အရက်စည်သောင်းနဲ့ချီ သိုလှောင်ထားတဲ့ Jim Beam ကုမ္ပဏီရဲ့ ကုန်သိုလှောင်ရုံမီးလောင်ကျွမ်း

ပြီးခဲ့တဲ့ရက်ပိုင်းက အမေရိကန်နိုင်ငံ ကန်တက်ကီပြည်နယ်ထဲက ကုန်သိုလှောင်ရုံတစ်ခု မီးလောင်ခဲ့တယ်လို့သိရပါတယ်။

၎င်းကုန်သိုလှောင်ရုံကတော့ ဝီစကီအရက်စည်ပေါင်း လေးသောင်းခွဲကျော်လောက် သိုလှောင်ထားတဲ့ ကုန်လှောင်ရုံတစ်ခုဖြစ်တယ်လို့ သိရပါတယ်။

ဒါ့အပြင် ၎င်းကုန်သိုလှောင်ရုံဟာ လူကြိုက်များတဲ့ Jim Beam ကုမ္ပဏီရဲ့ အရက်သိုလှောင်ထားတဲ့ ကုန်လှောင်ရုံဖြစ်တယ်လို့လည်း သိရပါတယ်။

၎င်းကုန်လှောင်ရုံမီးလောင်ရတဲ့အကြောင်းရင်းကိုတော့ သတင်းတွေအရ မိုးကြိုးပစ်တာကနေ မီးစတင်လောင်ခဲ့တာဖြစ်တယ်လို့ သိရပါတယ်။

ယခုမီးလောင်မှုကြောင့် ကုန်လှောင်ရုံတရုံတော့ ပျက်ဆီးဆုံးရှုံးသွားခဲ့ရပေမယ့် လူတွေကိုတော့ ထိခိုက်ဒဏ်ရာရရှိခဲ့တာမျိုး မရှိပါဘူး။

ဒါ့အပြင် ယခုမီးလောင်မှုကြောင့်လည်း Jim Beam ကုမ္ပဏီအနေနဲ့ ရောင်းလက်စ ဝီစကီဈေးကွက်ကို ထိခိုက်သွားတာမျိုး မရှိဘူးလို့ သိရပါတယ်။

source - Huffpost