ကြက်ကြော်သည်ရဲ့စကားကြောင့် ဝယ်မစားဘဲချက်ချင်းလှည့်ပြန်ခဲ့ရတဲ့ သုသုရဲ့အခွီတလိုင်း Tik Tok ဗီဒီယိုလေး

ညီညီမောင် (စမ်းချောင်း) ဆိုတဲ့နာမည်နဲ့ မိတ်ကပ်လောကမှာ မသိသူမရှိလောက်အောင် အောင်မြင်ကျော်ကြားနေတဲ့ သူမကတော့ အားလုံးကချစ်ရတဲ့ Cele တစ်ဦးပဲ ဖြစ်ပါတယ်။ အခွီတလိုင်း ဟာသဗီဒီယိုလေးတွေကို အပျော်တမ်းရိုက်ကူးပြီး မကြာခဏ တင်ပေးလေ့ရှိတဲ့ သုသုက ပရိသတ်တွေကြားမှာ ရေပန်းစားနေသူလေးပဲ ဖြစ်ပါတယ်။ အခုနောက်ပိုင်းမှာတော့ သုသုက မိတ်ကပ်ပညာရှင်အဖြစ်ရော သရုပ်ဆောင်အဖြစ်ပါ ရပ်တည်လာတာ တွေ့ရပါတယ်။

မကြာသေးခင်ကလည်း သုသုက ဝါရင့်သရုပ်ဆောင်တွေနဲ့အတူ " ကျားကျားကြိုက်ကြိုက်" ဆိုတဲ့ ရုပ်ရှင်ဇာတ်ကားကြီးကို လက်ခံရိုက်ကူးခဲ့ပါသေးတယ်။ အခုလက်ရှိမှာတော့ သုသုက ခရီးထွက်နေရင်း ကျောက်ပန်းတောင်းကို ရောက်ရှိခိုက်မှာ နာမည်ကြီး လက်ပံပျားကြက်ကြော်စားဖို့ ဟန်ပြင်ခဲ့ပါတယ်။ သုသုတစ်ယောက် ကားပေါ်ကနေ ကြက်ကြော်ဝယ်စားဖို့ မေးလိုက်တဲ့အခါမှာတော့ ကြက်ကြော်သည်ရဲ့စကားကြောင့် ချက်ချင်းလှည့်ထွက်ခဲ့ရပါတယ်။

ချစ်စရာကောင်းတဲ့ အမူအရာလေးနဲ့ အခွီတလိုင်းပုံစံလုပ်ပြထားတဲ့ ဒီဗီဒီယိုလေးကိုတော့ သုသုက " နာကျင်နေသော ချိမ " ဆိုပြီး တင်ထားတာပဲ ဖြစ်ပါတယ်။ ပရိသတ်တွေကတော့ ဟာသတွေလုပ်တတ်လွန်းတဲ့ သုသုရဲ့ဗီဒီယိုလေးကိုကြည့်ပြီး သဘောကျအားပေးနေကြတာ တွေ့ရပါတယ်။ ကဲ ချစ်ပရိသတ်တွေအတွက် လက်ပံပျား ကြက်ကြော်ရွာကဈေးသည်ရဲ့စကားကြောင့် ထိရှိသွားခဲ့ရတဲ့ သုသုရဲ့အခွီဗီဒီယိုလေးကို အောက်မှာတင်ဆက်ပေးလိုက်ပါတယ်နော်။

Source:Nyi Nyi Maung;