အင်းတော်မြို့နယ်အတွင်းမှ တရားမဝင်ကျွန်းသစ်လုံး ၈၃ တန်ကျော်နှင့်သစ်ခွဲစက်ငါးလုံးဖမ်းမိ

ပြည်တွင်း အဖိုးတန်ရတနာတွေထဲမှာ သစ်တွေကတော့ များစွာပါဝင်နေပါတယ်။ နိုင်ငံခြားသို့တရားမဝင်တင်ပို့ရောင်းချမှုတွေများစွာရှိနေပြီး ပြည်တွင်း တရားမဝင်လုပ်ဆောင်မှုတွေလည်း ရှိနေကြောင်း သိရပါတယ်။ အဆိုပါ တရားမဝင်သစ်လုပ်ငန်းတွေကို ရှာဖွေမှု အရေးယူမှုတွေကို မကြာခဏပြုလုပ်လေ့ရှိပြီး မကြာသေးမီကလည်း ကျွန်းသစ်များစွာကို ဖမ်းဆီးရမိခဲ့ကြောင်း သိရပါတယ်။  

အဆိုပါ ဖြစ်စဉ်ကတော့ စစ်ကိုင်းတိုင်းဒေသကြီး၊ကသာခရိုင်၊အင်းတော်မြို့နယ်အတွင်းရှိမံမော်ကြိုးဝိုင်း နှင့် နမ့်ဖယ်ကြိုးဝိုင်းအတွင်းမှ တရားမဝင်ကျွန်းသစ်လုံး၊ကျွန်းခွဲသားများနှင့်အတူတရားမဝင်သစ်ခွဲစက်များဖမ်းမိခဲ့ကြောင်း သိရပါတယ်။ဖြစ်စဉ်မှာ မနေ့က ၁၀နာရီခန့်တွင် ကသာခရိုင် သစ်တောဦးစီးဋ္ဌာနမှလ/ထညွှန်ကြားရေးမှူး ဦးမြင့်နိုင်ဦး ဦးဆောင် သော သစ်တောဝန်ထမ်းများသည် သစ်တောလုံခြုံရေးရဲတပ်ဖွဲဝင်များ လိုက်ပါလျှက် အင်းတော်မြို့နယ် အတွင်းနယ်မြေရှင်းလင်းခြင်းလုပ်ငန်းဆောင်ရွက်ခဲ့ပါတယ်။  

အဆိုပါ လုပ်ဆောင်မှုတွင် အင်းတော်မြို့နယ် ၊မံမော်ကြိုးဝိုင်းအတွင်းရှိ အကွက် အမှတ်(၅၀)(၅၆)(၅၇)(၇၂)(၇၃)နေရာများနှင့် နမ့်ဖယ်ကြိုးဝိုင်း အကွက်အမှတ် (၇၂)နေရာများမှ တရားမဝင် ကျွန်းသစ်လုံးများနှင့်ကျွန်းခွဲသား(၈၃ ဒသမ ၃၉၁၆)တန်၊ သစ်စက်ငါးလုံးဖမ်းဆီးရမိခဲ့ပြီး တရားမဝင်သစ်ခွဲ စက်ပြု လုပ်နေ သူများအား စုံစမ်းဖော်ထုတ်၍ ဥပဒေအရ အရေးယူဆောင်ရွက်သွားမည်ဖြစ်ကြောင်း သိရပါတယ်။ ပြင်တွင်းဖမ်းဆီးရရှိခဲ့တဲ့ သစ်ခိုးထုတ်မှုပုံရိပ်များကို ချစ်ပရိသတ်တွေအတွက် မျှဝေပေးလိုက်ပါတယ်။

source - the mirror daily