မင်းကလွဲရင်ကိုယ်အသက်ရှင်နေသမျှ ဘယ်မိန်းမမှချစ်မိမှာမဟုတ်ဘူးဆိုလို့ အမှတ်တွေပေးခဲ့တယ်ဆိုတဲ့ မြတ်ကေသီအောင်

ပရိသတ်ကြီးရေ အကယ်ဒမီမင်းသမီးချောတစ်ယောက်ဖြစ်တဲ့ မြတ်ကေသီအောင်ကတော့ တစ်ခေတ်တစ်ခါတည်းက ပရိသတ်တွေရဲ့ရင်ကိုစိုးမိုးနိုင်ခဲ့တဲ့အနုပညာရှင်တစ်ယောက်ဖြစ်ပါတယ်။ယနေ့အချိန်ထိလည်း လှနေမြဲ ချောနေဆဲဖြစ်တဲ့ မြတ်ကေသီအောင်က အောင်မြင်မှုတွေနဲ့ရပ်တည်နေဆဲပါနော်။တစ်ကိုယ်တည်းဘဝနဲ့ အေးချမ်းပျော်ရွှင်စွာနေထိုင်နေတဲ့ မြတ်ကေသီအောင်ကတော့ အခုဆိုရင် အချစ်အကြောင်းလေးကိုအောက်ပါအတိုင်းရေးဖွဲ့သီကုံးထားပါတယ်နော်။

"အချစ်ဟောင်း...တချိန်က သဲသဲလှုပ်ချစ်ပြခဲ့တဲ့သူ ခုတော့မမြင်ဖူးတဲ့ လူတွေပေါ့.ကိုယ်မရှိရင် မနေတတ်ပါဘူးလို့ ပြောဖူးပေမဲ့လည်း ကိုယ်မဟုတ်တဲ့သူတယောက်နဲ့ ပျော်နေတတ်သွားပြီ.ကိုယ့်အပြုံးတွေ တွေ့တိုင်းရင်ခုန်တတ်ခဲ့တဲ့နှလုံးခုန်သံဟာ နောက်ပိုင်းမှာ ကိုယ့်မြင်ရင် လာများနှုတ်ဆက်ရင်ဒုက္ခဆိုတဲ့ စိုးရိမ်တဲ့နှလုံးခုန်သံဖြစ်သွားပြီ.သူငယ်ချင်းတွေကြားမှာ ကိုယ့်ချစ်သူလေလို့ အမြဲဂုဏ်ယူတတ်ခဲ့တဲ့သူ့ရဲ့ ကြွားလုံးတွေက ခုတော့မြင်ရင်ခေါ်ရမှာဆိုးလို့ ကျောပေးရပ်နေတတ်ပြီ.ကိုယ့်နားမှာရှိတုန်းက အချွဲအညုပြောတတ်ခဲ့တဲ့ သူဟာ မထင်မှတ်ပဲပြန်ဆုံချိန်မှာတော့ ကျောင်းတုန်းက တပည့်တယောက်ကိုတွေ့လို့ ပြောသလိုလေသံပြတ်နဲ့ပြောတတ်နေပြီ.

မင်းကလွဲရင် ကိုယ်အသက်ရှင်နေသမျှ ဘယ်မိန်းမမှ ချစ်မိမှာမဟုတ်ဘူးဆိုတုန်းကသိပ်ချစ်တတ်တဲ့သူပါလားလို့ အမှတ်တွေအများကြီးပေးမိတဲ့ကိုယ်ဟာသူငယ်ချင်းတွေမိတ်ဆက်ပေးတဲ့ မိန်းမတိုင်းသူစိတ်ဝင်စားနေတာမသိခဲ့ပြန်ဘူး.မင်းကိုမှမရရင် ကိုယ်တသက်လုံး မိန်းမမယူပဲ အဝေးကနေပဲချစ်နေပါရစေဆိုတဲ့စကားကြောင့် သူ့ကို ကိုယ်အမြဲစိတ်ပူနေခဲ့ပေမဲ့ ပျော်ရွှင်စွာ မိသားစုဘဝလေးနဲ့ လမ်းလျောက်လာတဲ့ သူ့ကိုမြင်လိုက်ရတဲ့အခါမှာတော့.အော်.......အချစ်ဟောင်းဆိုတာ ပလီစိခြောက်ချက် မဟုတ်မဟတ်တွေလည်းပြောတတ်ပါလားလို့ တွေးရင်.......ခပ်မဲ့မဲ့လေးပြုံးမိပြန်တယ်"ဆိုပြီး ကဗျာဆန်ဆန်နဲ့အတွေးလေးတွေကို ပရိသတ်ကြီးအတွက်ပြန်လည်မျှဝေပေးလိုက်ပါတယ်နော်။

Source:Myat Kay Thi Aung