ကြိုးစားပမ်းစားရှာဖွေထားတဲ့ အနုပညာကြေးလေးတွေကို ဆေးစစ်မယ့်အဖေ့အတွက် ဦးချကန်တော့ခဲ့တဲ့ပိုင်တံခွန်

မော်ဒယ်၊ သရုပ်ဆောင်တစ်ဦးဖြစ်တဲ့ မင်းသားချော ပိုင်တံခွန်ကတော့ မိန်းကလေးပရိသတ်တွေရဲ့ အထူးတလည်အားပေးဝန်းရံမှုကို ရရှိထားသူပဲ ဖြစ်ပါတယ်။ ရုပ်ရည်ချောမောခန့်ညားတဲ့ ပိုင်တံခွန်က အရပ်ရှည်ရှည်၊ ရုပ်ဖြောင့်ဖြောင့်နဲ့ ယောက်ျားပီသတဲ့ ခန္ဓာကိုယ်အချိုးအစားကို ပိုင်ဆိုင်ထားတာ ဖြစ်ပါတယ်။ အခုဆိုရင် ပိုင်တံခွန်က မြန်မာနိုင်ငံမှာသာမက ထိုင်းနိုင်ငံက ပရိသတ်တွေကြားမှာပါ ရေပန်းစားအောင်မြင်နေတာ ဖြစ်ပါတယ်။

လတ်တလောမှာတော့ ပိုင်တံခွန်တစ်ယောက် ထိုင်းနိုင်ငံကို မကြာခဏသွားရောက်ပြီး ရိုက်ကူးရေးပြုလုပ်နေရတာ ဖြစ်ပါတယ်။ တဖြည်းဖြည်းနဲ့ တစ်နေ့တစ်ခြား နာမည်ကြီးအောင်မြင်လာတဲ့ ပိုင်တံခွန်ကတော့ နေ့တိုင်းလိုလို ရိုက်ကူးရေးတွေဆက်နေပြီး အလုပ်တွေနဲ့မအားလပ်နေရတာ ဖြစ်ပါတယ်။ အခုလည်း ပိုင်တံခွန်က ဖခင်ဖြစ်သူဆေးစစ်ဖို့အတွက် သူကိုယ်တိုင်ရှာဖွေထားတဲ့အနုပညာကြေးလေးတွေနဲ့ ဦးချကန်တော့နေတဲ့ပုံလေးကို တင်ထားပါတယ်။

ပိုင်တံခွန်က သူရဲ့ My Story မှာ "Snap.. this is for my dad's medical check up I really sorry that I can't join with him because I have to go to travel again tmr'' ဆိုပြီး ပုံလေးနဲ့အတူ တင်ထားတာ ဖြစ်ပါတယ်။ ပိုင်တံခွန်က အဖေဆေးစစ်ဖို့ ကိုယ်တိုင်လိုက်ပို့ပေးချင်ပေမယ့် သူ့အနေနဲ့ခရီးထွက်ရဦးမှာကြောင့် စိတ်မကောင်းဖြစ်နေရကြောင်း ပြောပြထားတာပဲ ဖြစ်ပါတယ်။ ကဲ ချစ်ပရိသတ်တွေအတွက် ပိုင်တံခွန်တို့သားအဖနှစ်ယောက်ရဲ့ပုံရိပ်လေးကို ပြန်လည်မျှဝေပေးလိုက်ပါတယ်နော်။

Source:Paing Takhon's Facebook;