စက်တင်ဘာလရဲ့အစမှာပဲ အောင်ဘာလေထီဆုတွေ ဆက်တိုက်ဆွတ်ခူးရရှိခဲ့တဲ့ သရုပ်ဆောင်လွင်မိုး

သရုပ်ဆောင် လွင်မိုးလို့ဆိုလိုက်တာနဲ့ မသိသူမရှိလောက်အောင် လူကြိုက်များအောင်မြင်နေတဲ့ နိုင်ငံကျော်မင်းသားကြီးတစ်လက်ဖြစ်တယ်ဆိုတာ အားလုံးက သိပြီးသားဖြစ်ကြမယ် ထင်ပါတယ်။ တစ်ခေတ်တစ်ချိန်ကတည်းက အနုပညာအလုပ်တွေကို လုပ်ကိုင်ခဲ့တဲ့ လွင်မိုးက အကယ်ဒမီဆုတွေလည်းရရှိခဲ့တဲ့ ဝါရင့်သရုပ်ဆောင်တစ်ဦး ဖြစ်ပါတယ်။ ယနေ့အချိန်မှာတော့ လွင်မိုးက အနုပညာအလုပ်တွေထက် မိသားစုနဲ့အတူ အေးအေးချမ်းချမ်းနေထိုင်နေတာ ဖြစ်ပါတယ်။

အခုဆိုရင် လွင်မိုးက သူနဲ့ရုပ်ချင်းဆင်တဲ့ ချစ်စရာမြေးချောလေးတစ်ယောက်ကို ပိုင်ဆိုင်ထားရပြီ ဖြစ်ပါတယ်။ သမီးကြီးယွန်းဝတီလွင်မိုးတို့ဇနီးမောင်နှံက နိုင်ငံခြားမှာကျောင်းသွားတက်နေရတာကြောင့် ဘိုးဘိုးလွင်မိုးက မြေးလေးကိုသူကိုယ်တိုင်စောင့်ရှောက်ပေးနေတာ ဖြစ်ပါတယ်။ ဒီနေ့မှာတော့ လွင်မိုးက အောင်ဘာလေထီဆုတွေ ဆွတ်ခူးရရှိခဲ့ကြောင်း သူရဲ့လူမှုကွန်ယက်စာမျက်နှာမှာ တင်ထားတာ တွေ့ရပါတယ်။

လွင်မိုးက "ဒီတခါတော့ နှစ်သိန်းခွဲ ၊" ဆိုပြီး တစ်သိန်းဆုတစ်ဆုနဲ့ ငါးသောင်းဆုသုံးဆုတိတိ ဆွတ်ခူးရရှိခဲ့ကြောင်း ပြောပြထားတာပဲ ဖြစ်ပါတယ်။ လွင်မိုးကတော့ စက်တင်ဘာလရဲ့အစရက်လေးမှာပဲ အောင်ဘာလေထီဆုတွေနဲ့အတူ ကံကောင်းသွားခဲ့တာ ဖြစ်ပါတယ်။ ထီလက်မှတ် ၄စောင်လုံးကနေ ဆုကြေးအသီးသီး ဆွတ်ခူးရရှိသွားတဲ့ လွင်မိုးရဲ့အကြောင်းကို ချစ်ပရိသတ်တွေအတွက် ပြန်လည်တင်ဆက်ပေးလိုက်တာပဲ ဖြစ်ပါတယ်။

Source:Lwin Moe's Facebook;