မမရတနာမိုင်နဲ့အတူ ရိုလာကိုစတာစီးတမ်းဆော့ပြီး ပျော်ရွှင်နေတဲ့ သမီးလေးသွန်းမြတ်ကြယ်စင်ရဲ့ဗီဒီယိုဖိုင်

အနုပညာရှင်မျိုးဆက်သစ်လေးဖြစ်တဲ့ သမီးလေး သွန်းမြတ်ကြယ်စင်ကတော့ " Mini Mister Myanmar & Mini Miss Myanmar " ပြိုင်ပွဲကြီးကတစ်ဆင့် ပရိသတ်တွေရဲ့တစ်ခဲနက်အားပေးမှုရရှိခဲ့တာ ဖြစ်ပါတယ်။ ဒီပြိုင်ပွဲကြီးမှာ" Little Miss Supranational Myanmar " သရဖူဆုကိုဆွတ်ခူးရရှိခဲ့တဲ့ သမီးလေးသွန်းမြတ်ကြယ်စင်က အလှမယ်လေးအဖြစ်ကနေ ကလေးသရုပ်ဆောင်အဖြစ် အနုပညာအလုပ်တွေကို စတင်လုပ်ကိုင်လာခဲ့တာ ဖြစ်ပါတယ်။

အခုဆိုရင် သွန်းမြတ်ကြယ်စင်လေးက သီချင်းဗီဒီယိုလေးတွေမှာ သရုပ်ဆောင်နေရသလို ရုပ်ရှင်ဇာတ်ကားကြီးတွေမှာတောင် ပါဝင်ရိုက်ကူးနေရပြီ ဖြစ်ပါတယ်။ အနုပညာရှင် တော်တော်များများကလည်း ချစ်စရာကောင်းတဲ့ သွန်းမြတ်ကြယ်စင်လေးကို ဝိုင်းချစ်နေကြတာ ဖြစ်ပါတယ်။ အခုလည်း သွန်းမြတ်ကြယ်စင်လေးက မမရတနာမိုင်နဲ့အတူ ရိုက်ကူးရေးပြုလုပ်ရင်း ရိုလာကိုစတာစီးတမ်း ဆော့ကစားခဲ့တာကို ဗီဒီယိုလေးရိုက်ကူးပြီး တင်ပေးထားပါတယ်။

သွန်းမြတ်ကြယ်စင်လေးက" ဒီနေ့ သမီးကိုအရမ်းချစ်တဲ့ သီချင်းဆိုတာအရမ်းကောင်းတဲ့ မမYadanar My နဲ့ အတူတူ Kid Chat အစီအစဉ်လေး ပျော်ပျော်ရွှင်ရွှင် ရိုက်ကူးခဲ့ပါတယ် အရမ်းချစ်ပြီး အိမ်အလည်ခေါ်တဲ့အတွက်လည်း မမနဲ့ ဘွားဘွားကို အရမ်းချစ် အရမ်းကျေးဇူးတင်ပါတယ်ရှင့် လာလည်ပါ့မယ်ရှင့် " ဆိုပြီး Facebook Acc မှာတင်ထားတာ ဖြစ်ပါတယ်။ ကဲ ချစ်ပရိသတ်တွေအတွက် မမရတနာမိုင်နဲ့ သွန်းမြတ်ကြယ်စင်လေးရဲ့ ချစ်စရာပုံရိပ်လေးတွေနဲ့ ဗီဒီယိုဖိုင်လေးကို မျှဝေပေးလိုက်ပါတယ်နော်။

Photo & Video Credit-Thoon Myat Kyal Sin's FB;