ပရိသတ်ကြီးရေ တက်သစ်စမင်းသမီးလေးတစ်ယောက်အဖြစ် အနုပညာလမ်းကြောင်းပေါ်မှာ လျှောက်လှမ်းနေတဲ့နေခြည်ဦးဟာဆိုရင် Beauty Blogger ကနေတဆင့် ပရိသတ်တွေသတိထားမိလာပြီး သူမရဲ့ပွင့်လင်းသွက်လက်တဲ့ဟန်ပန်လေးတွေကို အရမ်းသဘောကျခဲ့ကြပါတယ်နော်။နေခြည်ဦးက ရုပ်ရှင်ဇာတ်ကားကြီးတွေမှာလည်း ပါဝင်သရုပ်ဆောင်ပြီး ကျရာဇာတ်ရုပ်ကိုပီပြင်ပိုင်နိုင်လို့ ပရိသတ်တွေလည်း အားပေးခဲ့ကြတာဖြစ်ပါတယ်။
နေခြည်ဦးရဲ့လက်တလောအနုပညာလှုပ်ရှားမှုတွေကတော့ ရုပ်ရှင်ဇာတ်ကားကြီးတွေလည်း ရိုက်ကူးဖို့ရှိပြီး ပွဲအခမ်းအနားတွေကိုလည်း တက်ရောက်နေပါတယ်။နေခြည်ဦးကတော့ ပွဲတစ်ပွဲကိုတက်ရောက်လာတိုင်း သူမတူတဲ့ဒီဇိုင်းဖက်ရှင်တွေနဲ့ စမတ်ကျလှပနေတာကို ပရိသတ်ကြီးလည်း တွေ့မြင်ရမှာပါနော်။ပရိသတ်တွေအရမ်းအားကျခဲ့ရတဲ့ နေခြည်ဦးရဲ့အချစ်ရေးလေးကတော့ လက်တလောမှာငြိမ်သက်နေဆဲဖြစ်ပါတယ်။
နေခြည်ဦးရဲ့ချစ်သူဟောင်း အောင်နွေဦးကလည်း ချီချီစိတ်ကျေနပ်အောင် နည်းမျိုးစုံနဲ့ချော့ပြီး တောင်းပန်နေတာဖြစ်ပါတယ်။အခုဆိုရင်လည်း နေခြည်ဦးအတွက် အောင်နွေဦးက ချစ်ခြင်းမေတ္တာတွေအပြည့်အဝထည့်ထားတဲ့ ကိတ်မုန့်လေးရယ် မွှေးအီလွန်းတဲ့ပန်းစည်းလှလှလေးတွေကို လက်ဆောင်အဖြစ်ပေးခဲ့ပါတယ်နော်။နေခြည်ဦးကတော့ လက်ဆောင်ပစ္စည်းပုံလေးတွေကို သူမရဲ့Instagram မှာ မျှဝေခဲ့ပါတယ်နော်။
Source:Nay Chi Oo's Instagram&Facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။