မင်းသမီးချောလေး နေခြည်ဦးကတော့ Beauty Blogger တစ်ဦးအဖြစ် လူသိများအောင်မြင်လာခဲ့ပြီး နောက်ပိုင်းမှာ သရုပ်ဆောင်အဖြစ် ရုပ်ရှင်ဇာတ်ကားတွေ ရိုက်ကူးလာခဲ့တာ ဖြစ်ပါတယ်။ ရုပ်ရည်ချောမောလှပသလို ဖက်ရှင်နဲ့ပတ်သက်ပြီးလည်း အမြင်ရှိတဲ့ နေခြည်ဦးက အမြဲလိုလို ခမ်းနားလှပတဲ့ဖက်ရှင်တွေနဲ့ ပေါ်လွင်လှပနေတတ်တာ ဖြစ်ပါတယ်။
လက်ရှိမှာတော့ နေခြည်ဦးတစ်ယောက် ချစ်သူနဲ့လမ်းခွဲပြတ်စဲထားပြီး Single အဖြစ် ရပ်တည်နေတာ ဖြစ်ပါတယ်။ ဒီရက်ပိုင်းမှာဆိုရင် နေခြည်ဦးက "အိပ်မက်တွေမိုးထားတဲ့အိမ်" ဆိုတဲ့ ရုပ်သံဇာတ်လမ်းတွဲလေးကို စတင်ရိုက်ကူးနေပြီလည်း ဖြစ်ပါတယ်။ ဒီဇာတ်လမ်းတွဲမှာတော့ နေခြည်ဦးနဲ့အတူ မိုရီဆာကီဝင်း၊ ချမ်းမင်းရဲထွဋ်၊ အုပ်စိုးခန့်တို့က ပါဝင်သရုပ်ဆောင်ကြမှာ ဖြစ်ပါတယ်။
ဒီနေ့မှာတော့ နေခြည်ဦးက နှုတ်ခမ်းနီရဲရဲလေးဆိုးပြီး အထာကျကျ Vape သောက်နေတဲ့ ပုံရိပ်လေးတွေနဲ့ ဗီဒီယိုလေးကို သူမရဲ့Facebook Acc မှာ တင်ထားပါတယ်။ စတိုင်အပြည့်နဲ့ အပြတ်အသတ်ဂေါ်နေတဲ့ နေခြည်ဦးက စူးရှတောက်ပတဲ့ အကြည့်တွေနဲ့ အရမ်းကိုလှနေတာလည်း ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချောလေး နေခြည်ဦးရဲ့ပုံရိပ်လေးတွေနဲ့ ဗီဒီယိုဖိုင်လေးကို ပြန်လည်မျှဝေပေးလိုက်ပါတယ်နော်။
Photo & Video Credit: Nay Chi Oo's Facebook;
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။