အလှူသွားလုပ်ရင်း နမိတ်ပြလို့ထိုးခဲ့တဲ့ ထီက (၃)စောင်လုံးပေါက်ပြီး ကံထူးခဲ့တဲ့ မင်းသမီးဂျူဂျူးကေ

ရုပ်ရှင်သရုပ်ဆောင် မင်းသမီးချောလေး ဂျူဂျူးကေကတော့ ဗီဒီယိုနဲ့ ရုပ်ရှင်ဇာတ်ကားတွေမှာ ပါဝင်သရုပ်ဆောင်ခဲ့ပြီး ပရိသတ်အားပေးမှုရရှိထားတဲ့ အနုပညာရှင်တစ်ဦး ဖြစ်ပါတယ်။ ဂျူဂျူးကေက သရုပ်ဆောင်ပိုင်းမှာ အရည်အချင်းရှိပြီး ထူးချွန်တဲ့အပြင် တယောတူရိယာကိုလည်း ကျွမ်းကျွမ်းကျင်ကျင် တီးခတ်နိုင်သူလည်း ဖြစ်ပါတယ်။ လက်ရှိမှာတော့ ဂျူဂျူးကေက အိမ်ထောင်ကျပြီး ပျော်ရွှင်စရာကောင်းတဲ့ဘဝလေးကို ရရှိထားပြီ ဖြစ်ပါတယ်။

မနေ့က စက်တင်ဘာလ (၃) ရက်နေ့ကတော့ ဂျူဂျူးကေက သူမရဲ့ ဖေ့စ်ဘွတ်စာမျက်နှာမှာ ထီပေါက်တဲ့အကြောင်း တင်ထားတာ တွေ့ရပါတယ်။ ဂျူဂျူးကေက ပြီးခဲ့တဲ့လကမှ ပဲခူးမျက်မမြင်ကျောင်းမှာ အလှူသွားလုပ်ရင်း ထိုးခဲ့တဲ့ ထီ (၃)စောင်တွဲကနေ ကံထူးခဲ့တဲ့အကြောင်း ပြောပြထားတာပဲ ဖြစ်ပါတယ်။ ယခုလို ထီပေါက်တာက သူမအတွက်တော့ ပထမဆုံးအကြိမ်ဖြစ်ပြီး နောက်တစ်ခေါက်အလှူလုပ်ရင်လည်း ထီထိုးမယ်လို့ ပြောထားပါတယ်။

ဂျူဂျူးကေက " ပထမဆုံးအကြိမ် ထီပေါက်ဖူးပြီ။ပြီးခဲ့တဲ့လက ပဲခူးမျက်မမြင်ကျောင်းမှာ " ထာဝရအလင်းအိမ် " မိသားစုဝင်များနဲ့ အလှူသွားလုပ်တာ အပြန်မှာ နာရေးကားလဲ ( ၃ ) စီးတွေ့တယ်။ စီးသွားတဲ့ကားကလဲ ကားဘီးပေါက်တယ်။ ပေါက်တဲ့နိမိတ်တွေတော့ပြနေပြီ ၊ထီထိုးမယ်ဆိုပြီး အင်းတကော်မှာ မနည်းလိုက်ရှာပြီး ထီစုထိုးခဲ့တာ ငါးသောင်းဆု သုံးဆု " ၁၅၀,၀၀၀ " ပေါက်တယ်လေခုနှစ်ယောက်လုံး အသင်းရဲ့ ငွေပဒေသာပင်ထဲအကုန်ပြန်လှူကြတယ်။နောက်တခါအလှူကို တန်ဆောင်မုန်းလပြည့်မှာ ပြင်ဦးလွင်မှာကထိန်ခင်းမယ်။ အဲ့အခါကျရင်လဲ ထီထပ်ထိုးအုံးမယ်။ ဆုကြီးကြီးပေါက်ရင် အလှူကြီးကြီးလုပ်ချင်တယ်" ဆိုပြီး သူမရဲ့Facebook Page မှာ ရေးသားဖော်ပြထားတာ တွေ့ရပါတယ်။

Source:Ju Jue K's Facebook Page;