ချစ်ပရိတ်သတ်တို့ရေ... ကိုယ့်သူငယ်ချင်းတွေထဲမှာ Relationshipရှိတဲ့ သူတွေနဲ့ Singleတွေကို အားလုံးမြင်ဖူးကြမှာပါနော်။ အချို့Rsတွေဟာ ကိုယ့်ရဲ့ Singleသူငယ်ချင်းတွေကို FA FAဆိုပြီး နှိမ်ချ ပြောဆိုနောက်ပြောင်တတ်တာကိုတွေ့ကြမှာပါနော်။ တကယ်ဆိုရင် Rsမရှိတာဟာ ဘယ်လောက်ပျော်ဖို့ကောင်းလဲဆိုတာကို singleတွေကကောင်းကောင်းသိပြီးသားပါ။ ဆိုတော့ ဒီလို Singleအဖြစ်ရပ်တည်နေထိုင်ခြင်းရဲ့ကောင်းကျိုးလေးတွေကို ဒီတစ်ခေါက်မှာမျှဝေပေးမှာပဲဖြစ်ပါတယ်နော်။
(၁) သူမတူတဲ့လွတ်လပ်ပေါ့ပါးမှု
စိတ်ကော လူကောလွတ်လပ်ပေါ့ပါးတာကိုဆိုလိုတာပါ။ စိတ်ညစ်စရာတွေ ဆိုတာကလည်း Rsတွေနဲ့ယှဉ်ရင် အနည်းအကျဉ်းသာရှိတဲ့ သာယာတဲ့ဘဝလေးပါပဲနော်။ အားနေရင် Rsတွေလိုခံစားပြီး မအိပ်နိုင်မစားနိုင်ဖြစ်ရတဲ့ ဝဋ်မျိုးကလည်းကင်းဝေးကာ ကိုယ်စိတ်နှလုံးချမ်းသာစွာနေရမှာပါ။ အပေါင်းအသင်းတွေနဲ့ အပြင်သွားချင်ရင် Rsတွေကို ဖုန်းဆက်ပြီးခွင့်တောင်းစရာလဲမလိုသလို အချိန်ရှိတိုင်းလည်း ပြဿနာအရှာမခံရတဲ့အတွက် လွတ်လပ်မှု ကတော့ရာနှုန်းပြည့်ရရှိထားမှာပဲဖြစ်ပါတယ်။
(၂)အပိုငွေမကုန်တော့ဘူး။
မနက်မိုးလင်းတာနဲ့ Morning လို့ဖုန်းခေါ်ပြီး နှိုးလိုက်ရကတည်းက ဘေကစကုန်ပါပြီ။ ပြီးရင် အတူသွားအတူလာလုပ်ရင် နှစ်ယောက်စာလည်းပိုကုန်ပါသေးတယ်။ ဒါကဘာမှမဟုတ်ဘူးလို့ထင်ရပေမယ့် နှစ်နဲ့လနဲ့ ချီပြီးကြာသွားတဲ့ စုံတွဲတွေရဲ့ အသုံးစရိတ်ဟာ Singleတွေထက် ၆ဆ ၇ဆလောက်များနေတာကိုတွေ့ရပါတယ်နော်။ ဒီလိုကုန်ကျမှုမျိုးဟာ Singleဘဝမှာမရှိပါဘူး။ ကိုယ်စုတတ်ရင်စုတတ်သလောက် ပိုက်ဆံအဖက်တင်ပါတယ်။ ဘေထည့်ပြီးသွားရင်လည်း တန်းချေးပြီး Packageဝယ်ရတဲ့ ထဲမှာSingleတွေမပါပါဘူး။
(၃) ကိုယ်ပိုင်အချိန်တွေအများကြီးရှိတယ်။
မိသားစုအတွက်လည်းအချိန်ပေးနိုင်သလို သူငယ်ချင်းတွေနဲ့ မိမိကိုယ်ကိုယ်အတွက်လည်းအချိန်ပိုပေးနိုင်ပါတယ်။ ကိုယ်ဝါသနာတာကိုလည်း ပိုပြီးလုပ်နိုင်တယ်။ ချစ်သူကိုအချိန်မပေးရတဲ့အတွက် ကိုယ့်အချိန်တွေကို ကိုယ်ပိုပြီးပိုင်တယ်။ တခါတလေ တစ်ယောက်တည်းပျင်းဖို့ကောင်းတယ်ဆိုရင်တောင်မှ အသိပညာဗဟုသုတတွေကိုရှာမှီးဖို့အချိန်တွေရှိတယ်။ Rsတွေထက် ခေါင်းတစ်လုံးသာအောင်ကြိုးစားနိုင်ပြီး အချိန်တိုတိုနဲ့ အောင်မြင်ဖို့အခွင့်အလမ်းတွေကပိုများပါတယ်။
ကဲ... Singleဘဝ ကပိုကောင်းတယ်မှတ်လား ချစ်ပရိတ်သတ်တို့ရေ....
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
