မော်ဒယ်၊ သရုပ်ဆောင် မင်းသားချောလေး ပိုင်တံခွန်ကတော့ မိန်းကလေးပရိသတ်တွေရဲ့အထူးတလည် အားပေးဝန်းရံမှုကို ရရှိထားတဲ့ ကိုလူချောလေးတစ်ယောက် ဖြစ်ပါတယ်။ အရပ်ရှည်ပြီး ရုပ်ရည်ချောမောခန့်ညားတဲ့ ပိုင်တံခွန်က Six Packs တွေနဲ့ အမိုက်စားခန္ဓာကိုယ်ကို ပိုင်ဆိုင်ထားတာပဲ ဖြစ်ပါတယ်။
အခုဆိုရင် ပိုင်တံခွန်က မြန်မာနိုင်ငံမှာသာမက ထိုင်းနိုင်ငံက ပရိသတ်တွေကြားမှာ အောင်မြင်မှုရရှိနေပြီး လူကြိုက်များရေပန်းစားနေတာ ဖြစ်ပါတယ်။ အလုပ်တွေနဲ့မအားမလပ်ဖြစ်နေတဲ့ ပိုင်တံခွန်က အခုတော့ မော်ဒိုက်ကို ခရီးထွက်နေကြောင်း သူရဲ့My Story မှာတင်ထားတာ တွေ့ရပါတယ်။ ဒီခရီးစဉ်လေးမှာတော့ ပိုင်တံခွန်က အောင်မင်းခန့်၊ ကျော်ထက်ဇော်၊ ပိုင်ဖြိုးသုတို့ဇနီးမောင်နှံနဲ့အတူ ခရီးထွက်လာတာပဲ ဖြစ်ပါတယ်။
ဒီနေ့မနက်ပိုင်းမှာ မြန်မာနိုင်ငံကနေ စတင်ထွက်ခွာခဲ့တဲ့ ပိုင်တံခွန်တို့အဖွဲ့က အခုတော့ မော်ဒိုက်ကမ်းခြေကို ရောက်ရှိနေကြပြီပဲ ဖြစ်ပါတယ်။ ပိုင်တံခွန်တို့အနုပညာရှင်တစ်စုက မော်ဒိုက်မှာ မော်တော်ဘုတ်စီးရင်း ပျော်ပျော်ပါးပါး အပန်းဖြေအနားယူကာ လျှောက်လည်နေကြတာ ဖြစ်ပါတယ်။ ကဲ ချစ်ပရိသတ်တွေအတွက် မော်ဒိုက်ရောက် ပိုင်တံခွန်တို့အနုပညာရှင်တစ်စုရဲ့ဗီဒီယိုဖိုင်လေးကို ပြန်လည်မျှဝေပေးလိုက်ပါတယ်နော်။
Video Credit- Paing Takhon's FB;
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။