အပြင်မှာတော့ နှင်းဆီဇာတ်လမ်းတွဲထဲက အကိုကျော်လို မဆိုးပါဘူးဗျလို့ဆိုလာတဲ့ စည်သူဝင်း

သရုပ်ဆောင် မင်းသားချောလေး စည်သူဝင်းကတော့ တည်ကြည်ခန့်ညားတဲ့ ရုပ်ရည်နဲ့ တကယ့်ကိုယောက်ျားပီသတဲ့ ကိုလူချောလေးတစ်ယောက် ဖြစ်ပါတယ်။ စည်သူဝင်းက " လူရည်ချွန်၊ ဆုံစည်းခြင်းမိုးတိမ်များ၊ အိပ်မက်ကျော့ကွင်း၊ နွေကန္တာ၊ မိုးကောင်းကင်အိပ်မက်" စတဲ့ဇာတ်လမ်းတွဲတွေမှာပါဝင်ရိုက်ကူးရင်းနဲ့ တဖြည်းဖြည်း လူသိများပြီး နာမည်ကျော်လာခဲ့တာ ဖြစ်ပါတယ်။

ယခုလက်ရှိ MRTV-4 မှာ ထုတ်လွှင့်ပြသနေတဲ့ "နှင်းဆီ" ရုပ်သံဇာတ်လမ်းတွဲလေးမှာလည်း စည်သူဝင်းက အဓိကနေရာကနေ ပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်လမ်းတွဲလေးမှာတော့ စည်သူဝင်းက "တင်မောင်ကျော်" ဆိုတဲ့ ဇာတ်ရုပ်နေရာကနေ သရုပ်ဆောင်ထားတာပဲ ဖြစ်ပါတယ်။ ဗီလိန်ဇာတ်ရုပ်ကို ပီပြင်စွာပုံဖော်နိုင်တဲ့ စည်သူဝင်းကိုတော့ ပရိသတ်တွေက အခိုင်အမာ အားပေးနေကြတာ ဖြစ်ပါတယ်။

အခုလည်း စည်သူဝင်းက " အပြင်ကစည်သူဝင်းက နှင်းဆီ ဇာတ်လမ်းထဲက အကိုကျော် လိုမဆိုးပါဘူးဗျ " ဆိုပြီး ပရိသတ်တွေကို လူမှုကွန်ယက်ကတစ်ဆင့် ပြောပြလာခဲ့ပါတယ်။ ဒါ့အပြင် စည်သူဝင်းက သူ့ရဲ့ပရိသတ်တွေအတွက် ပုံအသစ်လေးတွေကိုလည်း မျှဝေပေးထားပါသေးတယ်။ ကဲ ချစ်ပရိသတ်တွေအတွက် မင်းသားချောလေး စည်သူဝင်းရဲ့ ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit-Si Thu Win's Facebook