အဆိုတော်တစ်ဦးဖြစ်တဲ့ ဆွိဝတ်ရည်သောင်းကတော့ တစ်ခေတ်တစ်ခါကတည်းက အနုပညာလမ်းကြောင်းပေါ်မှာ အောင်မြင်မှုများစွာနဲ့ လျှောက်လှမ်းခဲ့သူ ဖြစ်ပါတယ်။ သရုပ်ဆောင် မင်းသမီးချော အေးဝတ်ရည်သောင်းရဲ့ညီမလေးလည်းဖြစ်တဲ့ ဆွိဝတ်ရည်သောင်းက ယနေ့အချိန်အထိလည်း အနုပညာအလုပ်တွေကို ဆက်လက်လုပ်ကိုင်နေပြီး တေးသီချင်းတွေလည်း ဖန်တီးနေတာ ဖြစ်ပါတယ်။
အခုရက်ပိုင်းမှာတော့ ဆွိဝတ်ရည်သောင်းက အစ်မဖြစ်သူ အေးဝတ်ရည်သောင်းအပါအဝင် အနုပညာရှင်တစ်စုနဲ့ မော်ဒိုက်ကမ်းခြေကို အပန်းဖြေခရီးထွက်ခဲ့ပါတယ်။ ရက်အတော်ကြာအောင် မော်ဒိုက်မှာ အပန်းဖြေခဲ့တဲ့ ဆွိဝတ်ရည်သောင်းက အခုတော့ မော်ဒိုက်ခရီးစဉ်က ပုံရိပ်လေးတွေကို မျှဝေထားပါတယ်။ ဆွိဝတ်ရည်သောင်းက "CrotonTravel Tour နဲ့ maldives ခရီးစဉ်လေး အကြောင်း..." ဆိုပြီး တင်ထားတာပဲ ဖြစ်ပါတယ်။
အနုပညာရှင်တွေ စုံစုံလင်လင်ပါဝင်ပြီး အရမ်းကို ပျော်ရွှင်စရာကောင်းတဲ့ ဒီခရီးစဉ်လေးမှာတော့ ဆွိဝတ်ရည်သောင်းက ပိုင်တံခွန်၊ ကျော်ထက်ဇော်၊ ပိုင်ဖြိုးသု၊ အိမ့်ချစ်တို့နဲ့အတူ photo shooting တွေလည်း ရိုက်ကူးခဲ့ရပါတယ်။ သာယာလှပတဲ့နေရာလေးမှာ ပျော်ပျော်ရွှင်ရွှင်နဲ့ ရိုက်ကူးရေးပြုလုပ်ခဲ့ကြတဲ့ ဆွိဝတ်ရည်သောင်းတို့ရဲ့ပုံရိပ်လေးတွေကတော့ တကယ့်ကိုလှပနေတာ ဖြစ်ပါတယ်။ ကဲ ချစ်ပရိသတ်တွေအတွက် မော်ဒိုက်ခရီးစဉ်လေးက ဆွိဝတ်ရည်သောင်းတို့အနုပညာရှင်တစ်စုရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။
Photo Credit-ဆွိဝတ်ရည်သောင်း's Facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
