ရုပ်ရှင်ကြည့်တဲ့အခါမှာ ရသမျိုးစုံကို ခံစားကြည့်ရှုချင်ကြတဲ့ ပရိသတ်တွေအတွက် မကြာခင်မှာ ရုံတင်ပြသတော့မယ့် "တန်ဖိုး" ရုပ်ရှင်ဇာတ်ကားကြီးက စောင့်ကြိုနေပြီ ဖြစ်ပါတယ်။ "တန်ဖိုး" လို့အမည်ပေးထားတဲ့ ဒီဇာတ်ကားကြီးကတော့ ထူးထူးခြားခြားအနေနဲ့ မြန်မာနဲ့ ကိုရီးယားနှစ်နိုင်ငံ ပူးပေါင်းရိုက်ကူးထားတဲ့ ရုပ်ရှင်ဇာတ်ကားကြီး ဖြစ်ပါတယ်။ အမှိုက်ကအစတန်ဖိုးရှိသလို တန်ဖိုးဆိုတာ လူတိုင်းလူတိုင်းမှာရှိကြောင်းကို ပုံဖော်ပြသထားတာလည်း ဖြစ်ပါတယ်။
ဒီဇာတ်ကားထဲမှာတော့ အဓိကသရုပ်ဆောင်တွေအဖြစ် ရန်အောင်၊ ဇင်ဝိုင်း၊ မို့မို့မြင့်အောင်၊ ခင်ဇာခြည်ကျော်၊ အေးမြတ်သူနဲ့ မော်နီကာပန်တို့က ပါဝင်သရုပ်ဆောင်ထားကြတာ ဖြစ်ပါတယ်။ ဘဝတိုက်ပွဲနဲ့ အချစ်တိုက်ပွဲနှစ်ခုရဲ့ မတူညီတဲ့ရသတွေကို ခံစားကြည့်ရှုရမှာဖြစ်ပြီး ပရိသတ်တွေကြည့်ရမှာ တန်စေမယ့်ဇာတ်ကားကောင်းလေး ဖြစ်ပါတယ်။ ဒီဇာတ်ကားကြီးကိုတော့ လာမယ့်စက်တင်ဘာလ (၁၂) ရက်နေ့မှာ ရုံတင်ပြသမှာဖြစ်ပြီး ရုံတင်ဖို့ (၃)ရက်သာလိုတော့တာ ဖြစ်ပါတယ်။
အခုလည်း ပရိသတ်တွေစိတ်ကြည်နူးသွားစေမယ့် ထွန်းထွန်းနဲ့ အေးမြတ်သူရဲ့ဇာတ်ဝင်ခန်းလေးတစ်ခုကို တင်ဆက်ပေးချင်ပါတယ်။ မာမာနဲ့ နိုင်နိုင်အဖြစ် သရုပ်ဆောင်ထားတဲ့ သူတို့နှစ်ယောက်ရဲ့ဇာတ်ဝင်ခန်းလေးကတော့ ပရိသတ်တွေကိုပါ ကြည်နူးပျော်ရွှင်စေနိုင်မှာ ဖြစ်ပါတယ်။ ဒါကြောင့် ရုံတင်ဖို့ (၃)ရက်သာလိုတော့တဲ့ "တန်ဖိုး"ရုပ်ရှင်ဇာတ်ကားကြီးမှ ပရိသတ်တွေစိတ်ကြည်နူးစေမယ့် ဇာတ်ဝင်ခန်းတစ်ခုရဲ့ဗီဒီယိုလေးကို အောက်မှာတင်ဆက်ပေးလိုက်ပါတယ်နော်။
Source:တန်ဖိုး - ရုပ်ရှင်
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
