(၁) လျှော်ပြီးရင် ရေသေချာညှစ်ပါ။
ရေကျန်တဲ့အဝတ်တွေဟာ ခြောက်ဖို့အရမ်းခက်ပါတယ်နော်။ ဒီလိုစိုစွတ်တဲ့မိုးရာသီမျိုးမှာ နေ့မကူးဘဲ အဝတ်တွေကိုခြောက်စေချင်ရင်တော့ ရေကိုသေချာ ညှစ်ပြီးတော့မှ လှမ်းဖို့အရေးကြီးပါတယ်နော်။ လျှော်ပြီးတာနဲ့ အိမ်ထဲတန်းမထည့်ဘဲ အပြင်တန်းမှာရေစစ်အောင် မိနစ် ၂၀ လောက်ထားပြီး ရေစစ်တဲ့အချိန်မှအိမ်ထဲထည့်လှမ်းပါ။
(၂) လေများများတိုက်တဲ့ ပြတင်းပေါက်နားမှာ စင်နဲ့သေချာလှမ်းပါ။
လေဝင်လေထွက်ရရင် ပိုပြီးတော့အခြောက်မြန်ပါတယ်နော်။ စင် ဒါမှမဟုတ်ရင် တန်းထိုးပြီး ပြတင်းပေါက်နားမှာလှမ်းခြင်းက အဝတ်တွေကို ခြောက်သွေ့တာမြန်ဆန်စေပါတယ်နော်။ ဒါ့အပြင် တန်းနဲ့လှမ်းရင်လည်း အမြန်ခြောက်ဖို့ အဝတ်ညှပ်ကလစ်တွေကို အသုံးပြုပေးသင့်ပါတယ်နော်။ ဒါပေမယ့် ပြတင်းပေါက်နဲ့ ကပ်ပြီးတော့ ဘယ်တော့မှမလှမ်းမိပါစေနဲ့နော်။ မခြောက်တဲ့ အပြင် မိုးပက်ပြီး စိုရွဲနေမှ အခက်တွေနေပါလိမ့်မယ်။
(၃) တဘတ်ခပ်ကြီးကြီးကိုသုံးပါ။
အပေါ်ကအချက်တွေကတော့ သာမန် ရိုးကျ အဝတ်လှမ်းနည်းတွေပဲဖြစ်ပြီးတော့ ဒီတစ်ခုကတော့ အဝတ်အမြန်ခြောက်အောင်ပြုလုပ်နိုင်မယ့်နည်းလမ်းပဲဖြစ်ပါတယ်။ တဘတ်ထဲကို ရေသေချာညှစ်ပြီးစစ်ထားတဲ့ အဝတ်ကို ဖြန့်ပြီးထည့်ကာ သေချာဖိပြီး လိပ်လိုက်ပါ။ ဒီလိုလုပ်တာဟာ အဝတ်ထဲကရှိတဲ့ရေတွေကို နည်းနည်းပါးပါးတောင်မကျန်စေဘဲညှစ်ထုတ်ပစ်လိုက်တဲ့အတွက် လှမ်းပြီးသိပ်မကြာခင် ခြောက်သွားပါလိမ့်မယ်။ ဒါမှမဟုတ် ရေညှစ်ထားတဲ့အဝတ်ကို ကြားကနေတဘတ်ခံပြီး မီးပူတိုက်ရင်လည်း အခြောက်မြန်ပါတယ်နော်။
(၄) Hairdryer ကိုသုံးပြီး ခြောက်အောင်လုပ်ပါ။
ဒါကတော့ မိနစ်ပိုင်းအတွင်းမှာ တီရှပ်တို့ စပို့ရှပ်တို့လိုအခြောက်လွယ်တဲ့ အဝတ်အစားတွေကို အလျင်အမြန်ပဲ ခြောက်စေနိုင်ပါတယ်နော်။ အလျင်လိုတဲ့အဝတ်အစားတွေ ဘာတွေဆိုရင်တော့ မှိုနံ့လည်းမထွက်သလို စိုထိုင်းထိုင်းအနံ့လည်း မထွက်အောင် Dryerသုံးပြီး အခြောက်ခံလို့ရပါတယ်နော်။ မီးပူတောင်တိုက်စရာမလိုပဲ အဝတ်အစားပြန့်ပြန့်လေးတွေကိုလည်း Dryerကျေးဇူးနဲ့ရနိုင်ပါသေးတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။