စိန်နန်းတော်ရဲ့ပွဲလေးကို လိုက်ဖက်ညီစွာအတူတူတက်ရောက်လာကြတဲ့ အောင်ရေချမ်းနဲ့ခေးဆက်သွင်တို့နှစ်ယောက်

ရုပ်သံဇာတ်လမ်းတွဲလေးတွေနဲ့ လူသိများအောင်မြင်လာခဲ့ကြတဲ့ မင်းသားချော အောင်ရေချမ်းနဲ့ မင်းသမီးချော ခေးဆက်သွင်တို့နှစ်ယောက်ကတော့ အထူးတလည် မိတ်ဆက်ပေးစရာမလိုလောက်အောင် ပရိသတ်တွေနဲ့ ရင်းနှီးပြီးသားဖြစ်ကြမယ် ထင်ပါတယ်။ သူတို့နှစ်ယောက်က သရုပ်ဆောင်ပိုင်းမှာ ဇာတ်ရုပ်ကို ပီပြင်ပြောင်မြောက်အောင် သရုပ်ဆောင်နိုင်တာကြောင့် ပရိသတ်တွေက အားပေးနေရတာပဲ ဖြစ်ပါတယ်။

အောင်ရေချမ်းဆိုရင်လည်း " ပျားရည်အိုင်၊ ကျွန်မက မဟေသီ" ဆိုတဲ့ဇာတ်လမ်းတွဲလေးတွေနဲ့ အတော်လေးရေပန်းစားအောင်မြင်ခဲ့သလို ခေးဆက်သွင်ကလည်း "နှင်းဆီ" ဇာတ်လမ်းတွဲလေးနဲ့ လက်ရှိမှာအောင်မြင်နေတာ ဖြစ်ပါတယ်။ ပြီးခဲ့တဲ့ စက်တင်ဘာလ (၁၄)ရက်နေ့က ကျင်းပပြုလုပ်ခဲ့တဲ့ စိန်နန်းတော်ရတနာဆိုင်ရဲ့ တောင်ငူအရောင်းပွဲတော်လေးကိုလည်း အောင်ရေချမ်းနဲ့ ခေးဆက်သွင်တို့က အတူတူတက်ရောက်ခဲ့ကြပါတယ်။

အခုလည်း ခေးဆက်သွင်က " စိန်နန်းတော်ရဲ့ တောင်ငူအရောင်းပွဲတော်မှာ မင်းမျိုးနွယ်နဲ့ နှင်းဆီတို့ တွေ့ကြရာဝယ် စကားမစပ် စိန်နန်းတော်က နှင်းဆီနဲ့ ပတ်သတ်တဲ့ ရတနာ တွေပဲဆင်တော့လိုချင်နေပါပြီနော် ချစ်ရင် ဝယ်ပေးကြ We loveတို့ဒါပဲ " ဆိုပြီး ပုံလေးတွေကိုတင်ထားပါတယ်။ ကဲ ချစ်ပရိသတ်တွေအတွက် အရမ်းလိုက်ဖက်ညီနေကြတဲ့ အောင်ရေချမ်းနဲ့ ခေးဆက်သွင်တို့ရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit-Khay Sett Thwin's FB