ပရိသတ်ကြီးရေ.. ဒီကနေ့စက်တင်ဘာလ(၁၈)ရက်နေ့လေးကတော့ ပရိသတ်တွေအားလုံးရဲ့ အသည်းကျော် အဆိုတော်သရုပ်ဆောင် မင်းသမီးချောလေး နန်းဆုရတီစိုးရဲ့ မွေးနေ့ရက်လေးဆိုတာ ပရိသတ်တွေအားလုံး အသိပါပဲနော်..။
နန်းဆုလေးကတော့ သူမရဲ့ မွေးနေ့ရက်လေးမှာ မနက်စောစော ဘုရားသွားကျောင်းတက် ကောင်းမှုကုသိုလ်လေးတွေကို ဆက်တိုက်ပြုလုပ်ကုသိုလ်ယူကာ မွေးနေ့လေးကို စိတ်ကြည်နူးအေးချမ်းစွာ ဖြတ်သန်းနေပါတယ်..။
မွေးနေ့မှာ ဘုရားတက် ရွှေသင်္ကန်းကပ် ပန်းရေချမ်းကပ်လှူပူဇော် ခိုစာကျွေး ငါးစာကျွေး ကုသိုလ်ယူခဲ့သလို သံဃာတော်တွေဆွမ်းကပ်လှူဖို့အတွက်လည်း ထမင်းဟင်းတွေ ကိုယ်တိုင်ချက်ပြုတ်ကာ ဆွမ်းလောင်းလှူ ကုသိုလ်ယူပြီး ဖြတ်သန်းနေတာပါ..။
ကိုယ်တိုင်အပင်ပန်းခံပြီး ချက်ပြုတ်ပြင်ဆင်ထားတဲ့ ထမင်းဟင်းဆွမ်းတွေကို နေ့ဆွမ်းအဖြစ် အိမ်ရှေ့ဆွမ်းတန်းကြွလာကြတဲ့ သံဃာတော်တွေကို လောင်းလှူကာ မိသားစုနဲ့အတူ ကုသိုလ်ယူခဲ့တာ ဖြစ်ပါတယ်..။
“မွေးနေ့မှာ ကိုယ်တိုင်ချက်ပြုတ်ပြင်ဆင်ပြီး အိမ်ရှေ့ဆွမ်းခံကြွလာသည့် သံဃာတော်များကို မိသားစုနဲ့အတူ နေ့ဆွမ်းဆက်ကပ်လှူဒါန်းပူဇော်..” ဆိုပြီး မိသားစုနဲ့အတူ ကုသိုလ်ယူခဲ့တဲ့ အမှတ်တရပုံရိပ်လေးတွေကိုလည်း ချစ်ပရိသတ်တွေအတွက် ပြန်လည်မျှဝေထားတာ ဖြစ်ပါတယ်..။
ချစ်ရတဲ့ ပရိသတ်တွေအတွက်လည်း နန်းဆုလေးက သူမရဲ့မွေးနေ့အလှူကုသိုလ်လေးတွေကိုလည်း အားလုံးအတွက် အမျှပေးဝေထားသလို ပရိသတ်တွေကလည်း မွေးနေ့ရှင်လေး နန်းဆုအတွက် ဆုတောင်းစကားလေးတွေလည်း ပြောထားကြပါတယ်..။
Photo Credit - A Linn Young
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။