မြန်မာနိုင်ငံဘောလုံးအဖွဲ့ချုပ်အား Main Sponsor အဖြစ်ပံ့ပိုးပေးနေသည့် Myanmar Brewery Ltd မှ မြန်မာနိုင်ငံအနှံ စီစဉ်ကျင်းပနေသည့် We Are One Cup တောင်ကြီးမြို့ ဗိုလ်လုပွဲစဉ် မတိုင်မီ အထူးပွဲစဉ်အဖြစ် ယှဉ်ပြိုင်ကစားခဲ့သည့် မြန်မာ့လက်ရွေးစင်အမျိုးသမီး ဘောလုံးအသင်းနှင့် တောင်ကြီး Old Star အသင်းတို့၏ ချစ်ကြည်ရေး ခြေစမ်းပွဲမြန်မာ့လက်ရွေးစင်အမျိုးသမီးအသင်းက ၁-၀ ဂိုးဖြင့် အနိုင်ရခဲ့ပါတယ်။ အဆိုပါ အထူးပွဲစဉ်ကို မိနစ် ၃၀ (၂)ပိုင်း ယှဉ်ပြိုင်ကစားခဲ့ပြီး မြန်မာ့လက်ရွေးစင် အသင်းအတွက် အနိုင်ဂိုးကို စန်းသော်သော်မှ သွင်းယူပေးခဲ့ပါတယ်။
ယနေ့ စက်တင်ဘာလ ၂၁ရက်နေ့ ညနေပိုင်း တောင်ကြီးဘောလုံးကွင်းတွင်ယှဉ်ပြိုင်ခဲ့သည့် အဆိုပါပွဲစဉ်အပြီးတွင် ဗိုလ်လုပွဲအဖြစ် သုနန္ဒခမ်းတန်အသင်း နှင့် ကန္တရဝတီအသင်းတို့ပွဲစဉ်ကို ဆက်လက်ယှဉ်ပြိုင်ကစားခဲ့ပါတယ်။We Are One Cup တောင်ကြီးမြို့ဗိုလ်လုပွဲတွင်အနိုင်ရရှိသည့်အသင်းသည်တောင်ကြီးမြို့တွင် ယှဉ်ပြိုင်မည့် We Are One Cup Champion of Champions ပွဲသို့ အခြားမြို့နယ် ၇မြို့နယ်မှ ချန်ပီယံအသင်း(၇)သင်းနှင့်အတူ ပါဝင်ယှဉ်ပြိုင်ခွင့်ရမည်ဖြစ်ပါတယ်။
Myanmar Brewery Ltd အနေဖြင့် မြန်မာနိုင်ငံဘောလုံးအဖွဲ့ချုပ်ကို (၄) နှစ်သက်တမ်းရှိ အဓိကပံ့ပိုးမှု Main Sponsor အဖြစ် ပံ့ပိုးပေးနေသည့် ကုမ္ပဏီဖြစ်ပြီး မြန်မာ့လက်ရွေးစင် အမျိုးသမီးအသင်း နှင့် သက်တမ်းအလိုက် လက်ရွေးစင်အမျိုးသမီးအသင်းများကို မြန်မာနိုင်ငံအနှံရှိ ပရိသတ်များနှင့် ပိုမိုထိတွေ့ခွင့်ရရေးအတွက် ယခုကဲ့သို့ အထူးခြေစမ်းပွဲများပြုလုပ်ကျင်းပပေးခြင်းဖြစ်ပါတယ်။
source: MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
