မျိုးဆက်သစ် ကစားသမားများ ထွက်ပေါ်လာရေးအတွက် ရည်ရွယ်ကျင်းပသည့် ပဲခူးတိုင်းဒေသကြီးအဆင့် MPT အသက် ၁၄ နှစ်အောက် ဘောလုံးပြိုင်ပွဲတွင် တောင်ငူ(ခ)အသင်းက တံခွန်စိုက်ဆုဖလားကြီးကို နှစ်ကြိမ်ဆက် ရယူသွားနိုင်ခဲ့ပါတယ်။
ယနေ့ ညနေပိုင်းက ပဲခူးမြို့၊ Grand Royal ကွင်း၌ ကျင်းပခဲ့သည့် ဗိုလ်လုပွဲစဉ်တွင် လက်ရှိချန်ပီယံတောင်ငူ(ခ) အသင်းနှင့် ပဲခူး(ဂ)အသင်းတို့ အကြိတ်အနယ် ယှဉ်ပြိုင်အပြီး တောင်ငူ(ခ)အသင်းက တစ်ဂိုး၊ ဂိုးမရှိဖြင့် အနိုင်ရရှိခဲ့ခြင်းဖြစ်ပါတယ်။
တောင်ငူ(ခ)အသင်းအတွက် တစ်လုံးတည်းသော အနိုင်ဂိုးကို ပွဲချိန် ၁၃ မိနစ်တွင် အောင်သူသန်းထိုက်က သွင်းယူပေးခဲ့ခြင်းဖြစ်ပြီး တံခွန်စိုက်ဆုဖလားကို (၂) နှစ်ဆက် ရယူနိုင်ခဲ့ပါတယ်။ယခုပြိုင်ပွဲ၏ တတိယဆုအား ပဲခူး(က)အသင်းက ရယူနိုင်ခဲ့ပါတယ်။
source: MNL
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။