မနေ့ညကဝက်ဖို့ဒ်အသင်းကို၃ဂိုးပြတ်နဲ့အနိုင်ရရှိခဲ့တဲ့ပွဲမှာလက်စတာစီးတီးမန်နေဂျာခရိတ်ရှိတ်စပီးယားဟာအသင်းပိုင်ရှင်ရဲ့လက်မထောင်ကာချီးကျူးမှုကိုခံခဲ့ရပေမယ့်လည်းသူ့နဲ့လက်စတာအသင်းရဲ့ကာလရှည်ရည်မှန်းချက်ဟာဘာမှမသိရသေးဘူးလို့ပြောလိုက်ပါတယ်။
ပြီးခဲ့တဲ့ဖေဖော်ဝါရီကကလောဒီယိုရာနေရီအထုတ်ပယ်ခံခဲ့ရပြီးနောက်လက်စတာကိုရာသီကုန်ထိယာယီကိုင်တွယ်ခွင့်ရခဲ့တဲ့ရှိတ်စပီယားဟာရလဒ်ဆိုးဝားခဲ့တဲ့ပရီးမီးယားလိဂ်ချန်ပီယံကိုတန်းဆင်းဇုန်ဝန်းကျင်မှအဆင့်ကိုးနေရာအထိပို့ဆောင်ထားနိုင်ခဲ့ပေမယ့်လာမည့်ရာသီလက်စတာကိုဆက်လက်ကိုင်တွယ်ရအုံးမလားဆိုတာမသေချာသေးပါဘူး။
ရှိတ်စပီးယားက "ဝက်ဖို့ဒ်နဲ့ပွဲမှာအသင်းဥက္ကဋ္ဌကကျွန်တော့်ကိုလက်မထောင်ပြခဲ့ပါတယ်။ အရာအားလုံးဟာရာသီကုန်မှာသာသိရမယ်ထင်ပါတယ်။ ကျွန်တော်အဓိကလုပ်ဆောင်ရမှာကတော့အမြင့်ဆုံးရပ်တည်မှုနဲ့ရာသီသိမ်းဖို့ပါ။ ကျွန်တော်တို့သုံးပွဲကစားဖို့ကျန်နေသေးပြီးပွဲစဉ်တိုင်းကိုအနိုင်ယူလိုပါတယ်။ဒါပေမယ့်ဘယ်ပွဲမှလွယ်ကူမှာမဟုတ်ပါဘူး။
လက်ရှိအချိန်မှာကျွန်တော့်နည်းနည်းအသက်ရှုချောင်လာပါတယ်။ တန်းဆင်းအန္တရာယ်မရှိတော့တာကြောင့်စိုးရိမ်စိတ်သိပ်မဖြစ်တော့ပေမယ့်အနိုင်သေချာအောင်တော့လုပ်ရမှာပါ။ ကျွန်တော်တို့ တစ်သင်းလုံးချီးကျူးမှုနဲ့ထိုက်တန်ပါတယ်။" လို့ပြောခဲ့ပါတယ်။
ချန်ပီယံလက်စတာဟာဒီရာသီရဲ့နောက်ဆုံးလက်ကျန်ပွဲစဉ်သုံးပွဲအဖြစ်မန်စီးတီး စပါး ဘုန်းမောက်တို့နဲ့ကစားရမှာဖြစ်ပါတယ်။
Ref: Mirror
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။