ပေါင်လူငယ်အသင်းကို ၅-၄ ဂိုးနဲ့ အနိုင်ယူပြီး တတိယနေရာရရှိခဲ့တဲ့ ကျိုက်ထိုလူငယ်အသင်း

မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်နှင့် MPT တို့မှ အခြေခံပညာဦးစီးဌာန၊ အားကစားနှင့် ကာယပညာဦးစီးဌာနတို့နှင့် ပူးပေါင်းကျင်းပသည့် မွန်ပြည်နယ်အဆင့် MPT အသက်(၁၄)နှစ်အောက် ဘောလုံးပြိုင်ပွဲ၏ တတိယနေရာလုပွဲတွင် ကျိုက်ထိုလူငယ်အသင်းက ပေါင်လူငယ်အသင်းကို ၅-၄ ဂိုးဖြင့် အနိုင်ရရှိပြီး တတိယနေရာအား ရယူနိုင်ခဲ့ပါတယ်။

ယနေ့ပွဲစဉ်တွင် ကျိုက်ထိုအသင်းအနေဖြင့် ဦးဆောင်နှစ်ဂိုး နှစ်ဂိုး ခွင့်ပြုခဲ့ရသော်လည်း ချေပဂိုးများ ပြန်လည်သွင်းယူကာ ပင်နယ်တီအဆုံးအဖြတ်တွင် ၅-၄ ဂိုးဖြင့် အနိုင်ရရှိခဲ့ခြင်းဖြစ်ပါတယ်။ ယနေ့ညနေပိုင်းတွင်မွန်ပြည်နယ်အဆင့် MPT အသက်(၁၄)နှစ်အောက် ဘောလုံးပြိုင်ပွဲရဲ့ ဗိုလ်လုပွဲစဉ်အဖြစ် သထုံညွှန့်ပေါင်းအသင်းနှင့် ကျိုက်မရောအသင်းတို့ ယှဉ်ပြိုင်ကစားမည်ဖြစ်ပါတယ်။

သထုံညွှန့်ပေါင်းအသင်းနှင့် ကျိုက်မရောအသင်းတို့ရဲ့ ဗိုလ်လုပွဲစဉ်နှင့် ဆုပေးပွဲအခမ်းအနားကို MNL FB Page မှတိုက်ရိုက်ထုတ်လွှင့်ပြသသွားမည်ဖြစ်ပါတယ်။အနာဂတ်မှာ အရည်အသွေးရှိတဲ့ လူငယ်မျိုးဆက်သစ်များပေါ်ထွက်လာရေးအတွက် အသက်(၁၄)နှစ်အောက် ဘောလုံးပြိုင်ပွဲများကို မြန်မာနိုင်ငံအနှံကျင်းပလျက်ရှိနေတာပဲ ဖြစ်ပါတယ်။

source: Myanmar National League ' s facebook