ဒူးဒဏ်ရာများကြောင့်ကာဂျစ်စတန်နှင့် ကစားမည့် လူစာရင်းမှ ကျန်ရစ်ခဲ့တဲ့ ကျော်ကိုကိုနှင့် မောင်မောင်လွင်

ကာဂျစ်စတန် အသင်းနှင့် ၂၀၂၂ ကမ္ဘာ့ဖလား ခြေစစ်ပွဲအဖြစ် ယှဉ်ပြိုင်ကစားရန် အတွက် မြန်မာ့လက်ရွေးစင် ကစားသမား ၂၃ဦးစာရင်းကို နည်းပြချုပ် မီရိုဒရပ်က ထုတ်ပြန်ကြေညာလိုက်ပြီ ဖြစ်ပါတယ်။အဆိုပါစာရင်းတွင်တိုက်စစ်မှူး ကျော်ကိုကိုနှင့် ကွင်းလယ်ကစားသမား မောင်မောင်လွင်တို့မှာ ဒူးဒဏ်ရာများကြောင့် အသင်း၏လူစာရင်းတွင် ပါဝင်နိုင်ခဲ့ခြင်း မရှိခဲ့ပေ။

ကျော်ကိုကိုဟာ ၎င်း၏ ဒဏ်ရာဟောင်းဖြစ်သော ဒူးဒဏ်ရာကို ပြန်လည် ရရှိခဲ့ခြင်းဖြစ်ပြီး မောင်မောင်လွင်သည်လည်း ဒူးအရွတ်ဒဏ်ရာကြောင့် နှစ်ပတ်ခန့် အနားယူရမည် ဖြစ်ကြောင်း မြန်မာ့လက်ရွေးစင် အသင်း၏ ဆရာဝန်ဖြစ်သော ဒေါက်တာ အောင်ကျော်ဦးက အတည်ပြုခဲ့ပါတယ်။

မြန်မာ့လက်ရွေးစင် အသင်းသည် ကာဂျစ်စတန်နိုင်ငံသို့ အောက်တိုဘာ ၆ ရက်တွင် ထွက်ခွာမည် ဖြစ်ပြီး အောက်တိုဘာ ၁၀ ရက်တွင် ကာဂျစ်စတန် အသင်းနှင့်ယှဉ်ပြိုင် ကစားရမည်ဖြစ်ပါတယ်။၂၀၂၂ ကမ္ဘာ့ဖလား ခြေစစ်ပွဲအဖြစ် ကာဂျစ်စတန်နိုင်ငံတွင် ကာဂျစ်စတန်အသင်းနှင့် သွားရောက်ယှဉ်ပြိုင် ကစားရန် အတွက်မြန်မာ့လက်ရွေးစင် အသင်းဟာ လေ့ကျင့်ပြင်ဆင်မှုတွေပြုလုပ်ခဲ့ပါတယ်။

source:MFF's facebook