ပရိသတ်တွေအရမ်းကြိုက်နှစ်သက်ရတဲ့ နှင်းဆီအငြိမ့်တွေဟာဆိုရင် ကနဦးအစကတည်းကအဖွင့်ကောင်းခဲ့လို့ ပရိသတ်တွေရဲ့အာရုံကိုယနေ့အချိန်ထိ ဆွဲခေါ်နိုင်ပါတယ်နော်။နှင်းဆီအဖွဲ့သားတွေဖြစ်တဲ့ နေတိုး ကျော်ကျော်ဗိုလ် ထွန်းထွန်း မင်းမော်ကွန်း ရဲလေး မိုးယုစံ ဖူးစုံ မေကဗျာ မိုးပြည့်ပြည့်မောင်တို့ အနုပညာရှင်တွေက စိတ်ရောကိုယ်ပါနှစ်ပြီး ကြိုးစားအားထုတ်ကြလို့ ပရိသတ်တွေရဲ့တစ်ခဲနက်အားပေးမှုကိုရရှိတာဖြစ်ပါတယ်။
နေတိုးတို့နှင်းဆီအဖွဲ့သားတွေက နှင်းဆီအငြိမ့်တွေကို လှူဒါန်းဖို့အတွက် ကပြဖျော်ဖြေကြပြီး ရရှိလာတဲ့ ငွေကြေးရန်ပုံငွေတွေကို လိုအပ်တဲ့နေရာတွေအတွက် လှူဒါန်းလာခဲ့ကြတာဖြစ်ပါတယ်။အခုတစ်ခါမှာလည်း နေတိုးတို့အဖွဲ့သားတွေက နှင်းဆီလှေအငြိမ့်ကို ကပြပြီး ရရှိလာတဲ့ရန်ပုံငွေတွေကို ရေဘေးပြန်လည်ထူထောင်ရေးအတွက် လှူဒါန်းသွားမှာဖြစ်ပါတယ်နော်။
နှင်းဆီလှေအငြိမ့်ဟာဆိုရင်လည်း အဖွဲ့သားတွေအကုန်လုံး စိတ်ရောကိုယ်ပါနှစ်ပြီးကြိုးစားကြတာကြောင့် အရင်နဲ့မတူတဲ့ ပြက်လုံးအသစ်တွေနဲ့ဖျော်ဖြေခဲ့တာဖြစ်ပါတယ်။မင်းသမီးချောလေးတွေဖြစ်တဲ့ မိုးယုစံ မိုးပြည့်ပြည့်မောင် မေကဗျာ ဖူးစုံတို့ကလည်း သေချာလေ့ကျင့်ထားတဲ့ အကအလှလေးတွေနဲ့ မြိုင်မြိုင်ဆိုင်ဆိုင်ကြီးဖျော်ဖြေသွားခဲ့တဲ့ ပုံရိပ်လေးတွေကို ပရိသတ်ကြီးအတွက် ပြန်လည်မျှဝေပေးလိုက်ပါရစေနော်။
Source:Moe Yu San's Facebook/Photo Credit:sniperofphotography
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။