သက်သာပေမယ့် သက်ဆိုင်ရာဆရာဝန်ရဲ့ ခွင့်ပြုချက်မရသေးတဲ့ ဒိန်းဒေါင်

နှလုံးသွေးကြောကျဉ်းရောဂါကြောင့် ရုပ်ရှင်နှင့်ဗီဒီယိုသရုပ်ဆောင် ဒိန်းဒေါင် ဆေးရုံတက်နေရကြောင်း ယနေ့မနက်ပိုင်းကသိခဲ့ရသလို လက်ရှိအချိန်မှာတော့ သက်သာစပြုနေပြီလို့သိရပါတယ် ၊ စိုးရိမ်ပူပန်ပေးကြတဲ့ ပရိတ်သတ်တွေကို ကျေးဇူးတင်ပါတယ်လို့ ဒိန်းဒေါင် က ပြောပါတယ်။

“ သေလဲဘာမှမဖြစ်ဘူး၄၄နှစ်လူ့လောကမှာနေုပြီးပြီ” လို့ ဒိန်းဒေါင်က ဖေ့ဘွတ်မှာတင်ထားခဲ့ ပါတယ်။သရုပ်ဆောင် ဒိန်းဒေါင်တစ် က မြန်မာနိုင်ငံလူရွှင်တော်အသင်း(ရန်ကုန်)ရဲ့ ဥက္ကဌ ဖြစ်သလို ရုပ်ရှင်နဲ့ ဗီဒီယိုမှာလည်းပရိသတ် ချစ်ခင်အားပေးမှုများစွာရရှိထားသူပါ။

" မနေ့ကညနေလောက်ကဖြစ်တာပါ ၊ကျွန်တော်က သွေးတိုးကလည်းနည်းနည်းရှိတယ် ၊ pressure ကလည်းတအားကျသွားတယ် ၊ မနေ့ကတော့အောက်ဆီဂျင်ပါပေးလိုက်ရတယ် ၊ အသက်ရှုမဝတာပေါ့ ၊ အခုတော့သက်သာသွားပါပြီ ၊ စိတ်ပူပေးကြတဲ့ ပရိတ်သတ်အားလုံးကိုကျေးဇူးတင်ပါတယ်" လို့ ဒိန်းဒေါင်က မဟာမီဒီယာကို ပြောကြားခဲ့ကြောင်းသိရပါတယ်။ဝေဒနာလျော့ပါးသက်သာသွားပြီဆိုပေမယ့်လည်း သက်ဆိုင်ရာဆရာဝန်ရဲ့ ခွင့်ပြုချက်မရသေးတဲ့အတွက် ဆေးရုံဆင်းရမယ့်ရက်ကိုတော့မသိသေးဘူး လို့ ဒိန်းဒေါင် က ထပ်မံပြောပြခဲ့ပါတယ်။

Source: မဟာ မီဒီယာ

Aung