ပရိသတ်တွေချစ်ရတဲ့ မင်းသမီးချောလေး ယွန်းဝတီလွင်မိုးကတော့ ပြီးခဲ့တဲ့ အောက်တိုဘာလ (၃၁) ရက်နေ့မှာပဲ အသက် (၂၁) နှစ်တိတိပြည့်သွားခဲ့ပြီ ဖြစ်ပါတယ်။ ချစ်စရာကောင်းတဲ့ သားလေးလွင်ထက်ရဲ့မေမေဖြစ်တဲ့ ယွန်းဝတီလွင်မိုးက အခုချိန်အထိ အပျိုလေးတုန်းကအတိုင်း အလှတွေပိုနေသူလေးလည်း ဖြစ်ပါတယ်။ လက်ရှိမှာ ယွန်းဝတီလွင်မိုးက ခင်ပွန်းဖြစ်သူနဲ့အတူ သြစတေးလျမှာ နေထိုင်နေတာ ဖြစ်ပါတယ်။
ကျောင်းမပြီးသေးတဲ့ ယွန်းဝတီလွင်မိုးက သားလေးနဲ့ခွဲခွာပြီး သြစတေးလျနိုင်ငံမှာ ပညာသွားရောက်သင်ကြားနေတာပဲ ဖြစ်ပါတယ်။ ဒီနှစ်မွေးနေ့လေးမှာတော့ ယွန်းဝတီလွင်မိုးက ချစ်ခင်ပွန်းအပါအဝင် ချစ်ရတဲ့ သူငယ်ချင်းတွေနဲ့အတူ ပျော်ရွှင်စရာမွေးနေ့ပွဲလေးတစ်ခုကို ကျင်းပပြုလုပ်ခဲ့ပါတယ်။ ယွန်းဝတီလွင်မိုးက Birthday Party ပွဲလေးကို ကျင်းပပြုလုပ်ပြီး အသက် (၂၁)နှစ်ပြည့်မွေးနေ့လေးကို ပျော်ပျော်ပါးပါးဖြတ်သန်းခဲ့တာ ဖြစ်ပါတယ်။
အခုလည်း ယွန်းဝတီလွင်မိုးက မွေးနေ့ပါတီပွဲက ပုံရိပ်လေးတွေကို သူမရဲ့ Instagram မှာ မျှဝေထားပါတယ်။ Birthday Girl လေး ယွန်းဝတီလွင်မိုးတစ်ယောက် အမိုက်စားဖက်ရှင်လေးနဲ့ အပြတ်အသတ်လှနေသလို အရမ်းကို ချစ်စရာကောင်းနေတာလည်း ဖြစ်ပါတယ်။ ကဲ ချစ်ပရိသတ်တွေအတွက် ချစ်ရတဲ့သူတွေနဲ့အတူ မွေးနေ့ပါတီပွဲလေး ကျင်းပပြုလုပ်ခဲ့တဲ့ ယွန်းဝတီလွင်မိုးရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။
Photo Credit- Yunwaddy's IG
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
