ပန်းပွင့်လေးလိုဖူးပွင့်လာတဲ့ဂါဝန်အဆန်းလေးနဲ့ ဘိုမရုပ်လေးလိုချစ်စရာကောင်းနေတဲ့ မိုးဟေကိုရဲ့ဗီဒီယိုဖိုင်လေး

မင်းသမီးချောလေး မိုးဟေကိုကတော့ ယောက်ျားလေးပရိသတ်တွေရော မိန်းကလေးပရိသတ်တွေပါ အားလုံးကချစ်ခင်ရတဲ့ ပြည်သူချစ်အနုပညာရှင်တစ်ဦးပဲ ဖြစ်ပါတယ်။ အများနဲ့မတူဘဲ တည်ငြိမ်အေးချမ်းတဲ့မျက်နှာမျိုးကို ပိုင်ဆိုင်ထားတဲ့ မိုးဟေကိုက မဟာဆန်ဆန်အလှပိုင်ရှင်လို့တောင် တင်စားနိုင်တာ ဖြစ်ပါတယ်။ အထူးသဖြင့် သွယ်လျလှပတဲ့ မိုးရဲ့ခန္ဓာကိုယ်အချိုးအစားက တကယ့်ကိုဆွဲဆောင်မှုပြည့်နေတာ ဖြစ်ပါတယ်။

လက်ရှိမှာတော့ မိုးဟေကိုက ရုပ်ရှင်ဇာတ်ကားကြီးတွေ ရိုက်ကူးနေသလို ပွဲအခမ်းအနားတွေလည်း အဆက်မပြတ်တက်ရောက်နေရတာ ဖြစ်ပါတယ်။ ခမ်းနားလှပတဲ့ မိုးရဲ့ပွဲတက်ဖက်ရှင်တွေကလည်း အားလုံးရဲ့စိတ်ဝင်စားမှုကို ရရှိထားတာ ဖြစ်ပါတယ်။ အခုလည်း မိုးဟေကိုက ဒီဇိုင်နာမင်းသက်စံကိုယ်တိုင် အချိန်ယူဖန်တီးထားတဲ့ ပန်းပွင့်ဂါဝန်လေးကိုဝတ်ဆင်ပြီး ဘိုမရုပ်လေးပမာ ချစ်စရာကောင်းနေပြန်ပါတယ်။

ဒီပန်းပွင့်ဂါဝန်လေးကိုတော့ ဒီဇိုင်နာမင်းသက်စံအနေနဲ့ အချိန် (၆)လကြာစဉ်းစားပြီး အချိန် (၃)လကြာအောင် ဖန်တီးခဲ့ရတာ ဖြစ်ပါတယ်။ အခုလည်း မိုးက ပန်းပွင့်လေးလို ဖူးပွင့်လာတဲ့ဂါဝန်အဆန်းလေးနဲ့အတူ မြင်သူတိုင်းခဏခဏပြန်ကြည့်ချင်လောက်အောင် လှသွေးကြွယ်နေတာ ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချောလေး မိုးဟေကိုရဲ့ချစ်စရာဗီဒီယိုဖိုင်လေးကို ပြန်လည်မျှဝေပေးလိုက်ပါတယ်နော်။

Photo & Video Credit-Moe Hay Ko's FB