မင်းသမီးချော အိန္ဒြာကျော်ဇင်ကတော့ တစ်နိုင်ငံလုံးက ပရိသတ်တွေတော်တော်များများရဲ့ အမာခံအားပေးဝန်းရံမှုကို ရရှိထားတဲ့ အနုပညာရှင်တစ်ယောက်ပဲ ဖြစ်ပါတယ်။ ဆယ်ကျော်သက်အရွယ်ကတည်းက အနုပညာလောကမှာ အောင်မြင်မှုရနေခဲ့တဲ့ အူဝဲက အခုချိန်အထိ ထွန်းလင်းတောက်ပနေတဲ့ အနုပညာငွေကြယ်ပွင့်လေးပဲ ဖြစ်ပါတယ်။
ပြေတီဦးနဲ့အိမ်ထောင်ကျပြီး သားတစ်ယောက်၊ သမီးတစ်ယောက်ထွန်းကားခဲ့တဲ့ အူဝဲက ကလေးအမေလို့မထင်ရလောက်အောင် အရွယ်တင်လွန်းတာ ဖြစ်ပါတယ်။ အူဝဲရဲ့ မျက်နှာလေးကလည်း နုဖတ်လှပသလို ခန္ဓာကိုယ်အချိုးအစားကလည်း ချပ်လျပ်လှပနေတာ ဖြစ်ပါတယ်။ အခုလည်း အူဝဲတစ်ယောက် ခမ်းနားလှပတဲ့ဖက်ရှင်နဲ့ ပွဲအခမ်းအနားတစ်ခုကို တက်ရောက်လာခဲ့ပါတယ်။
အူဝဲက '' Dé Béau Wellness Centre Grand Opening '' ပွဲကို တက်ရောက်ပြီး ဖွင့်လှစ်ပေးခဲ့တာပဲ ဖြစ်ပါတယ်။ တည်ငြိမ်ရင့်ကျက်တဲ့အလှတရားတွေနဲ့ ပွဲတက်လာတဲ့ အူဝဲကတော့ လူတကာအလယ်မှာ ပေါ်လွင်တောက်ပနေတာ ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချော အိန္ဒြာကျော်ဇင်ရဲ့ပွဲတက်အလှပုံရိပ်လေးတွေကို ပြန်လည်မျှဝေပေးလိုက်ပါတယ်နော်။
Photo Credit -Li John Photography
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။