ချစ်စနိုးဦးရဲ့မင်္ဂလာပွဲကို ဇနီးချောလေးနဲ့အတူ ရွှေလက်တွဲပြီး တက်ရောက်ဂုဏ်ပြုပေးခဲ့တဲ့ လူမင်း

ဝါရင့်သရုပ်ဆောင် မင်းသားကြီးလူမင်းကတော့ ပွဲအခမ်းအနားတော်တော်များများကို ချစ်ဇနီးနဲ့အတူ တက်ရောက်လေ့ရှိတာ ဖြစ်ပါတယ်။ မနေ့ကကျင်းပပြုလုပ်ခဲ့တဲ့ သရုပ်ဆောင် ချစ်စနိုးဦးရဲ့မင်္ဂလာပွဲကိုလည်း လူမင်းတို့ဇနီးမောင်နှံက အတူတကွတက်ရောက်ချီးမြှင့်ခဲ့ပါတယ်။ ဒီပွဲလေးကိုတော့ ရန်ကုန်မြို့ရှိ Novotel Yangon Max မှာ ကြီးကျယ်ခမ်းနားစွာ ကျင်းပပြုလုပ်ခဲ့တာ ဖြစ်ပါတယ်။

ကိုဖိုးသားနဲ့ ချစ်စနိုးဦးတို့ဇနီးမောင်နှံရဲ့ စုလျားရစ်ပတ်လက်ထပ်မင်္ဂလာပွဲကိုတော့ လူမင်းတို့ဇနီးမောင်နှံအပြင် အနုပညာရှင်တော်တော်များများလည်း တက်ရောက်လာခဲ့တာ ဖြစ်ပါတယ်။ တစ်နေ့တစ်ခြား ပိုပိုပြီးချောမောခန့်ညားလာတဲ့ လူမင်းတစ်ယောက် ချစ်ဇနီးလေးရဲ့လက်ကိုတွဲပြီး ကြည်နူးပျော်ရွှင်နေတာ ဖြစ်ပါတယ်။ မြန်မာဝတ်စုံလေးတွေနဲ့ ကျက်သရေရှိနေတဲ့ လူမင်းတို့စုံတွဲကတော တကယ့်ကိုအားကျချင်စရာကောင်းနေတာ ဖြစ်ပါတယ်။

အခုလည်း လူမင်းတို့ဇနီးမောင်နှံက '' Congratulations" မောင်လေးဖိုးသား+ ညီမလေးချစ်စနိုးဦး" ယနေ့မှစ နှစ်တစ်ရာတိုင်ပါစေ '' ဆိုပြီး အသစ်စက်စက်မင်္ဂလာစုံတွဲအတွက် ဂုဏ်ပြုစကားပြောကြားပေးထားပါတယ်။ ကဲ ချစ်ပရိသတ်တွေအတွက် ချစ်စနိုးဦးရဲ့မင်္ဂလာပွဲကို တက်ရောက်ချီးမြှင့်ခဲ့တဲ့ လူမင်းတို့ဇနီးမောင်နှံရဲ့ ပွဲတက်ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Source: Ayarwaddy Lu Min's Fb

Photo Credit - Amazing Grace