မြန်မာနိုင်ငံအနှံ လူငယ်ကစားသမားမးပေါ်ထွက်လာရေးအတွက် ရည်ရွယ်ပြီးအသက် ၁၄ နှစ်အောက် လူငယ်ဘောလုံးပြိုင်ပွဲတွေကို ရခိုင်ပြည်နယ်မှာကျင်းပနေတာဖြစ်ပါတယ်။ ရခိုင်ပြည်နယ်အဆင့် MPT အသက် ၁၄ နှစ်အောက် လူငယ်ဘောလုံးပြိုင်ပွဲတွင် ကျောက်ဖြူ(က)အသင်းက မောင်တောအသင်းကို အနိုင်ယူပြီး ဗိုလ်လုပွဲအဆင့်ကို နှစ်နှစ်ဆက် တက်ရောက်နိုင်ခဲ့ပြီဖြစ်ပါတယ်။
ယနေ့နံနက်က စစ်တွေမြို့၊ ဝေသာလီကွင်း၌ ယှဉ်ပြိုင်ခဲ့သည့် မောင်တောလူငယ်အသင်းနှင့် ကျောက်ဖြူ(က)လူငယ်အသင်းတို့၏ အကြိုဗိုလ်လုပွဲစဉ်တွင် ကျောက်ဖြူ(က)အသင်း(ခရမ်းရောင်)က နှစ်ဂိုး၊ တစ်ဂိုးရလဒ်ဖြင့် အနိုင်ရရှိခဲ့ခြင်းဖြစ်ပါတယ်။အဆိုပါ ရလဒ်ကြောင့် ကျောက်ဖြူ(က)အသင်း အနေဖြင့် နှစ်ကြိမ်ဆက် ဗိုလ်လုပွဲ တက်ရောက်နိုင်ခဲ့သည့် မှတ်တမ်းကို ရေးထိုးနိုင်ခဲ့ပါတယ်။
ကျောက်ဖြူ(က)အသင်း အနေဖြင့် ဗိုလ်လုပွဲအဆင့်တွင် သံတွဲ(က)-ရသေ့တောင် ပွဲစဉ်မှ အနိုင်ရရှိလာသည့်အသင်းနှင့် ယှဉ်ပြိုင်ဗိုလ်လုရမည်ဖြစ်ပါတယ်။သံတွဲ(က)အသင်းနှင့် ရသေ့တောင်အသင်းတို့ အကြိုဗိုလ်လုပွဲစဉ်ကို ယနေ့ညနေ ၃း၃၀ အချိန်တွင် ဝေသာလီကွင်း၌ ဆက်လက်ကျင်းပသွားမည် ဖြစ်ပါတယ်။
source:MNL' s facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
