ကျောက်ဖြူ(အေ)အသင်းကို အနိုင်ယူပြီး လက်ရှိချန်ပီယံဆု ကာကွယ်နိုင်ခဲ့ကာ ဆုကြေးငွေ၁၀သိန်း ရရှိခဲ့တဲ့ ရသေ့တောင်အသင်း

မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်နှင့် MPT တို့ ပူးပေါင်းကျင်းပသည့် MPT U-14 Football Tournament 2019 ဘောလုံးပြိုင်ပွဲမှာတတိယနေရာလုပွဲအဖြစ် မောင်တောအသင်းနှင့် သံတွဲ(အေ)အသင်းတို့ ယှဉ်ပြိုင်ကစားခဲ့ကြပြီး မောင်တော အသင်းက နှစ်ဂိုးတစ်ဂိုးဖြင့် အနိုင်ရခဲ့ပါတယ်။

ဗိုလ်လုပွဲအဖြစ် ကျောက်ဖြူ(အေ)အသင်းနှင့် ရသေ့တောင် အသင်းတို့ပွဲတွင် ပွဲချိန်အတွင်း တစ်ဂိုးစီ သရေကျခဲ့သည့်အတွက် အချိန်ပိုဆက်လက်ကစားခဲ့ပြီး အချိန်ပို တွင်လည်း ဆက်လက် သရေကျခဲ့သည့်အတွက် ပင်နယ်တီအဆုံးအဖြတ်ကစားခဲ့ပါတယ်။ ပင်နယ်တီအဆုံးအဖြတ်တွင် လက်ရှိချန်ပီယံ ရသေ့တောင် အသင်းက လေးဂိုးနှစ်ဂိုးဖြင့် အနိုင်ရခဲ့ပြီး လက်ရှိချန်ပီယံဆု ကာကွယ်ခဲ့ပါတယ်။

ပြိုင်ပွဲတွင် တတိယဆုကို မောင်တောအသင်းဟာ ဆုကြေးငွေကျပ် သုံးသိန်းရရှိခဲ့ပါတယ်။ဒုတိယဆုကို ကျော်ဖြူ(အေ) အသင်းမှ ရရှိခဲ့ပြီး ဆုငွေကျပ် ငါးသိန်း ရရှိခဲ့ပါတယ်။ ပြိုင်ပွဲတွင် ပထမဆုကို ရသေ့တောင်အသင်းမှ ရရှိခဲ့ပြီး ချန်ပီယံဖြစ်ခဲ့သည့် ရသေ့တောင်အသင်းအတွက် ဆုငွေကျပ် ၁၀ သိန်း ရရှိခဲ့ပါတယ်။

source: MFF's facebook