အာရှဘောလုံးအဖွဲ့ချုပ် Social Responsibility Conference 2019 သို့ AFC ဒုတိယဥက္ကဋ္ဌ ဦးဇော်ဇော် တက်ရောက်ခဲ့ပါတယ်။ AFC Social Responsibility Conference 2019 အခမ်းအနားကို ယနေ့မနက်ပိုင်းက အာရှဘောလုံးအဖွဲ့ချုပ် ရုံးချုပ်တည်ရှိရာ မလေးရှားနိုင်ငံကွာလာလမ်ပူမြို့တွင် ကျင်းပခဲ့ပါတယ်။
ဦးဇော်ဇော်ဟာ မြန်မာနိုင်ငံဘောလုံးအဖွဲ့ချုပ်ဥက္ကဋ္ဌအဖြစ်လဲ ဆောင်ရွက်နေတာပဲ ဖြစ်ပါတယ်။ကွန်ဖရင့်စတင်ရာတွင် AFC Social Responsibility Committee ဥက္ကဋ္ဌ အဖြစ် တာဝန်ယူထားသည့် အာရှ ဘောလုံးအဖွဲ့ချုပ် ဒုတိယဥက္ကဋ္ဌ ဦးဇော်ဇော်က အဖွင့်အမှာစကားပြောကြားခဲ့ပြီးနောက် အခမ်းအနား အစီအစဉ်များ စတင်ခဲ့ပါတယ်။
ကွန်ဖရင့်သို့ အာရှဘောလုံးအဖွဲ့ချုပ် ဒုတိယဥက္ကဋ္ဌ ဦးဇော်ဇော်၊ အထွေထွေ အတွင်းရေးမှူး ဒါတိုဝင်ဆာဂျွန်နှင့် တာဝန်ရှိသူများ၊ ကုလသမဂ္ဂ လက်အောက်ရှိ လူမှုရေး၊ ကျန်းမာရေး အဖွဲ့အစည်း အသီးသီးမှ တာဝန်ရှိပုဂ္ဂိုလ်များ၊ နိုင်ငံတကာကြက်ခြေနီ အသင်း၊ ဖီဖာနှင့် အာရှဘောလုံးအဖွဲ့ချုပ် အဖွဲ့ဝင် နိုင်ငံများ၊ ကော်မတီဝင်များ တက်ရောက် ဆွေးနွေးခဲ့ကြပါတယ်။
source: MFF ' s facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။