သားလေးရဲ့ရက်တစ်ရာပြည့်မွေးနေ့မှာ နာမည်ပေးကင်ပွန်းတပ်အလှူပွဲလေးပြုလုပ်ခဲ့တဲ့ အောင်သူတို့ဇနီးမောင်နှံ

မြန်မာ့ဂုဏ်ဆောင် ဘောလုံးသမားတစ်ဦးဖြစ်တဲ့ အောင်သူနဲ့ သရုပ်ဆောင်မင်းသမီးချော ပိုးအိအိခန့်တို့ကတော့ နှစ်ကိုယ်တူဘဝလေးတစ်ခုကိုတည်ဆောက်ခဲ့တာ အခုဆိုရင် သားလေးတစ်ယောက်တောင် ထွန်းကားခဲ့ပြီ ဖြစ်ပါတယ်။ အေးအေးချမ်းချမ်းနဲ့ ဘဝကိုဟန်ဆောင်မှုကင်းကင်း နေထိုင်တတ်ကြတဲ့ အောင်သူတို့ဇနီးမောင်နှံကတော့ သားလေးနဲ့အတူ ပျော်ရွှင်ချမ်းမြေ့တဲ့မိသားစုဘဝလေးကိုပါ ရရှိခဲ့ပြီပဲ ဖြစ်ပါတယ်။

ပြီးခဲ့တဲ့အောက်တိုဘာလ (၃၀) ရက်နေ့မှာတော့ အောင်သူနဲ့ ပိုးအိအိခန့်တို့ရဲ့သားဦးရတနာလေးကိုမွေးဖွားခဲ့တာ ရက်တစ်ရာတိတိပြည့်သွားခဲ့ပြီ ဖြစ်ပါတယ်။ ဒါကြောင့် အောင်သူတို့ဇနီးမောင်နှံက သားလေးအတွက် ရက်တစ်ရာပြည့်မွေးနေ့အလှူပွဲလေးနဲ့ နာမည်ပေးကင်ပွန်းတပ်ပွဲလေးကို ကျင်းပပြုလုပ်ခဲ့တာ ဖြစ်ပါတယ်။ မောင်သွင်ဦးဟန်လို့ အမည်ပေးလိုက်တဲ့ သားလေးကိုတော့ Koe Koe ဆိုတဲ့ နာမည်လေးနဲ့လည်း ချစ်စနိုးခေါ်တာဖြစ်ပါတယ်။

အခုလည်း ပိုးအိအိခန့်က (၈) မိုင် ပေါက်စေတီကျောင်းတိုက်မှာ ကျင်းပပြုလုပ်ခဲ့တဲ့ သားလေးရဲ့မွေးနေ့အလှူပွဲက ပုံရိပ်လေးတွေကို အမှတ်တရအနေနဲ့ တင်ထားပါတယ်။ ပိုးအိအိခန့်က " သားသား "မောင်သွင်ဦးဟန်"@ Koe Koe ရဲ့ နာမည်ပေးကင်ပွန်းတပ်နှင့် ရက် ( ၁၀၀) ပြည့်အလှူ" ဆိုပြီး မျှဝေထားတာပဲ ဖြစ်ပါတယ်။ ကဲ ချစ်ပရိသတ်တွေအတွက် အောင်သူနဲ့ပိုးအိအိခန့်တို့ရဲ့သား မောင်သွင်ဦးဟန်ရဲ့မွေးနေ့ပွဲက ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Source: Poe Ei Ei Khant's FB

Photo Credit- ALinn Yaung