ဘယ်အချိန်ကြည့်ကြည့်မရိုးနိုင်လောက်အောင် ဖြူစင်ရိုးရှင်းပြီး အေးချမ်းတည်ငြိမ်စွာလှပနေတဲ့ စိုးမြတ်နန္ဒာ

မင်းသမီးချော စိုးမြတ်နန္ဒာကတော့ အနုပညာလောကမှာ မသိသူမရှိလောက်အောင် နာမည်ရအောင်မြင်နေပြီးသားဖြစ်တဲ့ ဝါရင့်အနုပညာရှင်တစ်ဦးပဲ ဖြစ်ပါတယ်။ တစ်ခေတ်တစ်ခါကတည်းက အနုပညာလောကကို ဝင်ရောက်ခဲ့တဲ့ စိုးမြတ်နန္ဒာရဲ့အနုပညာသက်တမ်းက နှစ်အတော်ကြာရှိနေပြီ ဖြစ်ပါတယ်။ စိုးမြတ်နန္ဒာက နှစ်တွေဘယ်လိုပြောင်းလဲသွားပေမယ့် သူမရဲ့အလှတရားတွေကတော့ ယနေ့အချိန်အထိ မပြောင်းမလဲဘဲနုပျိုနေဆဲ ဖြစ်ပါတယ်။

လက်ရှိမှာတော့ စိုးမြတ်နန္ဒာက စိုးညီအစ်မတွေနဲ့အတူ " မင်းသမီး ပိုးထည်တိုက် " ဆိုင်လေးမှာ ဦးစီးလုပ်ကိုင်နေတာပဲ ဖြစ်ပါတယ်။ အနုပညာအလုပ်တွေကို ရပ်နားထားတဲ့ စိုးမြတ်နန္ဒာက ပွဲအခမ်းအနားလေးတွေကိုသာ တက်ရောက်နေတာ ဖြစ်ပါတယ်။ အခုလည်း စိုးမြတ်နန္ဒာက အသက်ကြီးလေပိုလှလေလို့ ဆိုရလောက်အောင် တည်ငြိမ်အေးချမ်းတဲ့ အလှတရားတွေနဲ့ မြန်မာဆန်ဆန် ကျက်သရေရှိရှိ လှနေပြန်ပါတယ်။

အဖြူရောင်မြန်မာဝတ်စုံလေးနဲ့ အရမ်းကိုလိုက်ဖက်တင့်တယ်နေတဲ့ စိုးမြတ်နန္ဒာရဲ့အလှအပတွေကတော့ ဘယ်အချိန်ကြည့်ကြည့် မရိုးနိုင်လောက်အောင်ပါပဲနော်။ စိုးမြတ်နန္ဒာနဲ့ စိုးမြတ်သူဇာတို့ ညီအစ်မတွေက ဖြူစင်ရိုးရှင်းပြီး အေးချမ်းကြည်လင်နေတဲ့ မျက်နှာလေးတွေကို ပိုင်ဆိုင်ထားကြတာပဲဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချော စိုးမြတ်နန္ဒာရဲ့အလှပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit-Soe Kyi Phyu's FB & SOE MYAT NANDAR's FB