အောင်မြင်ကျော်ကြားတဲ့ ထိပ်တန်းမင်းသမီးအဖြစ် ဆယ်စုနှစ်တွေများစွာတိုင်အောင် ရပ်တည်နေသူကတော့ သရုပ်ဆောင် ခိုင်သင်းကြည်ပါ။ သူမကိုတော့ ပရိသတ်တွေက မပွတ်ကျွတ်လို့ ချစ်စနိုးနဲ့ခေါ်ကြပြီး အကယ်ဒမီထူးချွန်ဆုလည်း ရရှိထားတဲ့ ဝါရင့်မင်းသမီးတစ်ဦးပါ။ မခိုင်လေးဟာ အနုပညာလောကတွင်သာမက သာယာပျော်ရွှင်တဲ့မိသားစုဘဝလေးကို မပျက်ဆီးရအောင် ထိန်းသိမ်းနိုင်သူတစ်ယောက်ပါ။
သူမရဲ့သမီးလေးထိပ်ထိပ်လေးဟာလည်း အနုပညာလောကမှာ တစ်စထက်တစ်စနာမည်ရလာနေပါပြီ။ ထိပ်ထိပ်လေးဟာ ရုပ်ရှင်ဇာတ်ကားကြီးတွေရိုက်ကူးမှုမရှိသေးသော်လည်း ကြော်ငြာဓာတ်ပုံနဲ့ပွဲအခမ်းအနားတွေတက်ရောက်နေရသူပါ။ လတ်တလောမှာလည်း စာမေးပွဲဖြေနေရတာကြောင့် အနုပညာအလုပ်တွေကို ခဏနားထားတာပါ။
မခိုင်လေးကတော့ သူမရဲ့Facebook Myday တွင် ဓာတ်ပုံလေးတစ်ပုံတင်ထားတာပါ။ ဒါကတော့ စာမေးပွဲဖြေနေတဲ့သမီးလေးကို အလုပ်တွေမအားလပ်တဲ့ကြားထဲက တကူးတကဟင်းတွေချက်ပြုတ်ကျွေးနေတာပါ။ " စာကျက်နေတဲ့ ထိပ်ထိပ်လေးအတွက် မေမေ့လက်ရာ Salmon ငါး " ဆိုပြီး ရေးသားထားတာပါ။ ပရိသတ်တွေအတွက် ဒီသတင်းလေးကို တင်ဆက်ပေးလိုက်ပါတယ်။
Photo Credit- Khine Thin Kyi’s Facebook Myday
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။