ပရိသတ်တွေလုံးဝမမြင်ဖူးသေးတဲ့ ကလေးဘဝအရွယ်ကပုံရိပ်လေးကို ထုတ်ပြလိုက်တဲ့ အောင်ရဲလင်း

ကျစ်လျစ်တောင့်တင်းတဲ့ အမိုက်စား Body နဲ့ မိန်းကလေးပရိသတ်တွေရဲ့အသည်းကိုဖမ်းစားထားသူကတော့ မော်ဒယ်၊ သရုပ်ဆောင် မင်းသားချော အောင်ရဲလင်းပဲ ဖြစ်ပါတယ်။ အောင်ရဲလင်းကတော့ အနုပညာအလုပ်တွေကို စတင်လုပ်ကိုင်စဉ်ကတည်းက နှုတ်ခမ်းနီမလေးတွေ အသည်းစွဲဖြစ်ခဲ့ရတဲ့ မင်းသားတစ်လက်ဆိုရင်လည်း မမှားပါဘူးနော်။ အောင်ရဲလင်းက စမတ်ကျကျဝတ်စားဆင်ယင်တတ်ပြီး အမြဲတမ်းစတိုင်ကျနေတတ်တာ ဖြစ်ပါတယ်။

နိုင်ငံခြားမင်းသားတစ်ဦးလို ချောမောခန့်ညားပြီး ဖက်ရှင်အမြင်ရှိတဲ့ အောင်ရဲလင်းကတော့ တစ်နေ့ထက်တစ်နေ့ ပိုမိုချောမောလို့လာတာ ဖြစ်ပါတယ်။ လက်ရှိမှာ အောင်ရဲလင်းက ရုပ်ရှင်ဇာတ်ကားကြီးတွေလည်း ရိုက်ကူးနေရသလို ကြော်ငြာနဲ့ Photo Shooting တွေလည်း လက်ခံရိုက်ကူးနေရပါတယ်။ တစ်ခါတစ်လေမှသာ လူမှုကွန်ယက်မှာပုံတင်လေ့ရှိတဲ့ အောင်ရဲလင်းက အခုတော့ သူရဲ့ငယ်ဘဝပုံရိပ်လေးကို မျှဝေထားပါတယ်။

အောင်ရဲလင်းက " 25 Years Ago " ဆိုပြီး လွန်ခဲ့တဲ့ (၂၅) နှစ် ကလေးဘဝအရွယ်က ပုံရိပ်လေးကိုတင်ထားတာပဲ ဖြစ်ပါတယ်။ အောင်ရဲလင်းက ပရိသတ်တွေတော်ရုံမမြင်ဖူးသေးတဲ့ သူ့ရဲ့ရှားရှားပါးပါး ငယ်ဘဝပုံရိပ်လေးကို ထုတ်ပြလိုက်တာ ဖြစ်ပါတယ်။ ကဲ ချစ်ပရိသတ်တွေအတွက် မင်းသားချော အောင်ရဲလင်းရဲ့ ချစ်စရာကောင်းတဲ့ ကလေးဘဝအရွယ်ပုံရိပ်လေးကို ပြန်လည်မျှဝေပေးလိုက်ပါတယ်နော်။

Photo Credit- deep_ayl's IG