ဆံပင်လေးသပ်သပ်ရပ်ရပ်ဖြီးလိမ်းပြီး ဂျင်းကုတ်လေးဝတ်လိုက်မှမေမေပိုတူသွားတဲ့ စန္ဒီမြင့်လွင့်ရဲ့သမီးလေး

အဆိုတော်၊ သရုပ်ဆောင် မင်းသမီးချောလေး စန္ဒီမြင့်လွင်ကတော့ အခုဆိုရင် အရမ်းကိုချစ်စရာကောင်းတဲ့ သမီးလေးတစ်ယောက်နဲ့အတူ သာယာချမ်းမြေ့တဲ့မိသားစုဘဝလေးကို ရရှိထားပြီ ဖြစ်ပါတယ်။ စန္ဒီမြင့်လွင်က ခင်ပွန်းဖြစ်သူ ကိုသီဟလွင်နဲ့အိမ်ထောင်ကျပြီး သမီးဦးလေးတစ်ယောက် ထွန်းကားခဲ့တာ ဖြစ်ပါတယ်။ စန္ဒီမြင့်လွင်ရဲ့သမီးလေးကတော့ မေမေနဲ့ဖေဖေရဲ့အချောအလှတွေကိုစုပြီးရထားသူလေးလို့တောင်ဆိုနိုင်တဲ့ သမီးချောလေးပဲ ဖြစ်ပါတယ်။

စန္ဒီမြင့်လွင်က ပါးဖောင်းဖောင်းလေးတွေနဲ့ မြင်သူတိုင်းဖက်နမ်းချင်စရာကောင်းလောက်တဲ့ သမီးချောလေးကို Treasure ဆိုပြီး နာမည်လှလှလေးပေးထားတာ ဖြစ်ပါတယ်။ စန္ဒီမြင့်လွင်ရဲ့သမီးလေးက ဒီနေ့နိုဝင်ဘာလ (၁၄) ရက်နေ့ဆိုရင်ပဲ အသက်လေးလတိတိ ပြည့်သွားခဲ့ပြီ ဖြစ်ပါတယ်။ ဒါကြောင့် မေမေစန္ဒီမြင့်လွင်က သမီးလေးရဲ့ ချစ်စရာပုံရိပ်အသစ်လေးတွေကို ပရိသတ်တွေအတွက် မျှဝေပေးထားတာ ဖြစ်ပါတယ်။

စန္ဒီမြင့်လွင်က " စကားပြောရင် ကျနော် ကျနော်နဲ့ ဂျင်းဘောင်းဘီအမြဲဝတ်တဲ့ သိပ်မိုက်တဲ့ ကောင်မလေး တစ်ယောက် ဒီနေ့ လေးလပြည့်သွားပါပြီ။မေမေ စိတ်ပူအောင် တစ်ယောက်တည်းတော့ လျှောက်မသွားနဲ့။ မေမေနဲ့ တူတူ လိမ့်ကြမယ်နော်။ " ဆိုပြီး Treasure လေးရဲ့ပုံလေးတွေကို တင်ပေးထားတာ ဖြစ်ပါတယ်။ ကဲ ချစ်ပရိသတ်တွေအတွက် မေမေစန္ဒီမြင့်လွင်ရဲ့ချစ်သမီးလေး Treasure ရဲ့အသည်းယားစရာပုံလေးတွေကို ပြန်လည်မျှဝေပေးလိုက်ပါတယ်နော်။

Photo Credit-Sandy Myint Lwin's FB