ဒေးဗစ်လူးဝစ်ကပရီိးမီးယားလိဂ်ကိုပြန်ရောက်ရောက်ခြင်းနှစ်မှာပဲအမှတ်ပေးဖလားဆွတ်ခူးနိုင်ခဲ့လို့၎င်းရဲ့အိမ်မက်တွေအမှန်တကယ်ဖြစ်လာခဲ့ပြီးမနေ့ညကဝက်စ်ဘရွန်းကိုတစ်ဂိုးဂိုးမရှိနဲအနိုင်ရပြီးနောက်ပြောလိုက်ပါတယ်။
ဘတ်ရှောင်ရီရဲ့ဂိုးနဲ့ပရီးမီးယားလိဂ်ဖလားငါးကြိမ်မြောက်ဆွတ်ခူးခဲ့တဲ့ချဲလ်ဆီးအသင်းရဲ့နောက်ခံလူဒေးဗစ်လူးဝစ်ဟာလွန်ခဲ့တဲ့၂၀၁၄ခုနှစ်ချဲလ်ဆီးမှပီအက်ဂျီကိုပြောင်းသွားခဲ့တာဖြစ်ပြီးယခုနွေရာသီကမှစတန်းဖို့ဘရစ်ကိုပြန်လည်ရောက်ရှိလာခဲ့တာဖြစ်ပါတယ်။
ဒေးဗစ်လူးဝစ်ဟာနည်းပြအန်တိုနီယိုကွန်တီရဲ့သုံးယောက်တန်းခံစစ်အတွဲမှာအကောင်းဆုံးခြေစွမ်းပြကစားနိုင်ခဲ့တဲ့အဓိကနောက်ခံလူပဲဖြစ်ပါတယ်။
လူးဝစ်က "ကျွန်တော်အလွန့်အလွန်ကိုပျော်နေပါတယ်။ ဒါဟာကျွန်တော့်အတွက်ပထမဦးဆုံးပရီးမီးယားလိဂ်ဆုဖလားပါပဲ။ ကျွန်တော်ဒီကိုပြန်လာဖို့ဆုံးဖြတ်လိုက်ချိန်မှာပရီးမီးယားလိဂ်ဖလားကိုဆွတ်ခူးဖို့အိမ်မက်မက်ခဲ့ပါတယ်။
ကျွန်တော်ရဲ့အိမ်မက်တွေအမှန်တကယ်ဖြစ်လာလို့အလွန်ကိုဝမ်းသာမိပါတယ်။ ဝက်ဘရွန်းနဲ့ပွဲကောင်းတစ်ပွဲကစားခဲ့ရပြီးကျွန်တော်တို့လုပ်ဆောင်နိုင်ခဲ့ပါတယ်။ ဒီလိုအချိန်မျိုးကိုရရှိဖို့အတွက်ကျွန်တော်တို့နေ့တိုင်းအလုပ်ကြိုးစားခဲ့ပါတယ်။
ကွန်တီဟာဆိုရင်လည်းအလုပ်ကိုစိတ်နှစ်ပြီးကြိုးစားတဲ့သူဖြစ်ကာသူ့အတွက်ဝမ်းသာမိပါတယ်။ သူဟာနေ့တိုင်းအရမ်းကြိုးစားတဲ့သူဖြစ်တာကြောင့်ဒီအောင်မြင်မှုဟာတကယ်ကိုထိုက်တန်မှုရှိပါတယ်။" လို့ပြောခဲ့ပါတယ်။
Ref- Mirror
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။