ဖရဲသီးခိုးစားသည့်သုံးနှစ်အရွယ်ကလေးငယ်ကို ဓားဖြင့်မွှန်းသတ်

ဖရဲသီးခိုးစားသည်ဟုဆိုကာသုံးနှစ်အရွယ် ကလေးငယ်၏ ဝမ်းဗိုက်ကိုဓားဖြင့် မွှန်းပြီးလည်ပင်းညစ်သတ်ကာ အလောင်းဖျောက်ရန် ကြံစည်ခဲ့သော အသက်(၂၁)နှစ်အရွယ် အမျိုးသမီးကို သန်လျင်မြို့ ဗိုလ်ချုပ်ကျေးရွာ၌ ယနေ့(မတ် ၆ ရက်) နံနက် ၁ နာရီကဖမ်းမိခဲ့ကြောင်း ရန်ကုန်တိုင်းတောင်ပိုင်းခရိုင်ရဲတပ်ဖွဲ့မှ ဒုရဲမှူးကြီးကြည်လွင်ကပြောကြားသည်။မတ် ၅ ရက် နံနက် ၁၀ နာရီခွဲက ၎င်း၏ သူငယ်ချင်းထံ သွားရောက်ကစားစဉ် ယင်းအိမ်မှဖရဲသီးကိုယူစားခဲ့သောကြောင့် ကစားဖော်၏ အမေဒေါ်စန္ဒာဝင်းက ဝမ်းဗိုက်ကိုဓားဖြင့်မွှန်းပြီး လည်ပင်းညစ်သတ်ခဲ့ကြောင်းရဲစခန်းတွင် ဝန်ခံထွက်ဆိုချက်များအရသိရှိရသည်။

ဖြစ်စဉ်မှာ ၂၀၁၆ခုနှစ်မတ် ၅ရက်နေ့ကသန်လျင်မြို့နယ် ဗိုလ်ချုပ်ကျေးရွာနေမသီရီကျော်(၂၁နှစ်)သည်ရေသန့်စက်ရုံတွင် အလုပ်လုပ်နေစဉ် ၄င်း၏သမီးဖြစ်သူ မ….(၃နှစ်)မှာပျောက်ဆုံးနေသဖြင့် နေအိမ်သို့ပြန်လာရှာဖွေစဉ် မိသားစုအားမေးမြန်းခဲ့သော် ပျောက်ဆုံးနေသော ကလေးမှာ တစ်ရွာတည်းနေ မစန္ဒာဝင်း၏သမီးနှင့် ကစားနေကြောင်း၊ ကစားနေစဉ်ပျောက်ဆုံးနေသောကလေးမှာ ဖရဲသီးခိုးစားခဲ့သဖြင့် မစန္ဒာဝင်း၏ သမီးဖြစ်သူက ပျောက်ဆုံး ကလေးငယ်အဘွားကိုတိုင်တန်ခဲ့သဖြင့်အဘွားဖြစ်သူမှ လျှော်ပေးမည်ဟုပြောဆိုခဲ့သည်။ ထို့နောက်ပျောက်ဆုံးကလေးငယ်၏မိခင်ဖြစ်သူက မစန္ဒာဝင်းအိမ်ထံသွားရောက်မေးမြန်းရာ နေအိမ်သို့လာရာက်ခြင်းမရှိဟု ပြန်လည်ဖြေကြားခဲ့သည်။

ပျောက်ဆုံးကလေးငယ်မိခင်ကမသင်္ကာသဖြင့်စောင့်ကြည့်ခဲ့ကြောင်း၊စောင့်ကြည့်ရာတွင်အဆိုပါညသန်းခေါင်ယံလျှပ်စစ်မီးပျက်ချိန်တွင် မစန္ဒာဝင်းက အထုတ်တစ်ထုတ်ကိုမချီကာအိမ်ထဲမှ ထွက်ခဲ့ချိန်လမ်းမပေါ်အရောက်လျှပ်စစ်မီးပြန်လာသဖြင့် အနီးအနားရှိလူများနှင့်အတူ အဆိုပါအထုတ်ကို ၀ိုင်းဝန်း စစ်ဆေးဖြေကြည့်ရာပီနန်အိတ်ထဲတွင်သုံးနှစ်အရွယ် ကလေးငယ်၏ ဝမ်းဗိုက်ကိုဓားဖြင့် မွှန်းပြီးလည်ပင်းညစ်သတ်ထားသည့်သေဆုံးနေသည့်ပျောက်ဆုံးကလေးငယ်ကိုတွေ့ရှိခဲ့သည်။ အဆိုပါပြစ်မှုကျူးလွန်သူကိုသန်လျင်မြို့မရဲစခန်းတွင် အမှုဖွင့်စစ်ဆေးလျက်ရှိကြောင်းတောင်ပိုင်းခရိုင်ရဲတပ်ဖွဲ့ထံမှ သိရသည်။

Source: The Voice

Aung