မင်းသမီးချောလေး ရွှေမှုံရတီကတော့ အနုပညာပျိုးခင်းရဲ့ စင်တင်မင်းသမီးတစ်လက်အဖြစ် အနုပညာလောကို ဝင်ရောက်လာခဲ့သူလေး ဖြစ်ပါတယ်။ အသက်အရွယ်ငယ်ရွယ်ပေမယ့် အနုပညာအရည်အချင်း အပြည့်အဝရှိတဲ့ ရွှေမှုံရတီက အချိန်ခဏလေးအတွင်းမှာ အောင်မြင်လာခဲ့တာ ဖြစ်ပါတယ်။ ရွှေမှုံရတီက ပြီးခဲ့တဲ့နှစ်ကမှ အဆိုတော်၊သရုပ်ဆောင် ရွှေထူးနဲ့လက်ထပ်ပြီး အိမ်ထောင်သည်ဘဝကိုတည်ဆောက်ခဲ့တာ ဖြစ်ပါတယ်။
ရွှေမှုံရတီက အိမ်ထောင်ကျပြီးနောက်ပိုင်းမှာလည်း ဇာတ်ကားတွေ ရိုက်ကူးပြီး အနုပညာအလုပ်တွေကို လုပ်ကိုင်နေတာ ဖြစ်ပါတယ်။ ပွဲအခမ်းအနားလေးတွေလည်း တက်ရောက်လေ့ရှိတဲ့ ရွှေမှုံရတီက မနေ့ကကျင်းပပြုလုပ်တဲ့ LUX Myanmar ရဲ့ပွဲလေးကို တက်ရောက်ခဲ့ပါတယ်။ ဒီပွဲလေးမှာတော့ ရွှေမှုံရတီက အဝါရောင်ပွဲတက်ဂါဝန်လေးနဲ့ ပန်းလေးတစ်ပွင့်လို အစွမ်းကုန်လှပနေခဲ့တာ ဖြစ်ပါတယ်။
တစ်နေ့တစ်ခြားပိုပိုပြီး လှသွေးကြွယ်လာတဲ့ ရွှေမှုံရတီကတော့ ပရိသတ်တွေကို ချစ်ပြီးရင်းချစ်လာအောင် ဖမ်းစားနိုင်စွမ်းရှိတာ ဖြစ်ပါတယ်။ ရွှေမှုံရတီက '' မနေ့က LUX ကသစ်ထွက်တဲ့ YuZu Blossom ပွဲ ရဲ့ Snap လေးများ '' ဆိုပြီးပုံလေးတွေ တင်လိုက်တာပဲ ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချောလေး ရွှေမှုံရတီရဲ့ ပွဲတက်အလှပုံရိပ်လေးတွေကို ပြန်လည်မျှဝေပေးလိုက်ပါတယ်နော်။
Photo Credit - Amazing Grace
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။