သီချင်းဆိုပြနေတဲ့ဟိန်းမင်းသူကို ဘေးကနေကြည့်ပြီးအသည်းတယားယားဖြစ်နေတဲ့ Sinon Lorescaရဲ့ဗီဒီယိုဖိုင်

Cat Walk King လို့အားလုံးကတင်စားထားရတဲ့ ဖိလစ်ပိုင်နိုင်ငံသား Sinon Loresca ကတော့ မြန်မာပြည်ကပရိသတ်တွေနဲ့ အတော်လေးရင်းနှီးမှုရရှိနေတာ ဖြစ်ပါတယ်။ ပြိုင်ပွဲတစ်ခုကြောင့် မြန်မာနိုင်ငံကိုလာရောက်ခဲ့တဲ့ Sinon Loresca က မြန်မာပြည်မှာ အလှူအတန်းတွေပြုလုပ်ရင်း ဇာတ်ကားတစ်ခုမှာပါ ပါဝင်သရုပ်ဆောင်ခဲ့ပါတယ်။ ပရိသတ်တွေကလည်း Sinon Loresca ရဲ့ဖြူစင်တဲ့စိတ်သဘောထားကြောင့် ချစ်ခင်လေးစားနေရတာ ဖြစ်ပါတယ်။

Sinon Loresca က မင်းသားထွန်းထွန်း၊ မင်းသမီး ဖြူဖြူထွေးတို့ရဲ့ Cat Walk လျှောက်တဲ့ဗီဒီယိုလေးတွေလည်း ရိုက်ကူးခဲ့ပြီး ပရိသတ်တွေရဲ့အချစ်ကို အရယူနိုင်ခဲ့ပါတယ်။ အခုလည်း Sinon Loresca က အဆိုတော် ဟိန်းမင်းသူနဲ့အတူ ဗီဒီယိုလေးတစ်ခုကို ရိုက်ကူးခဲ့ပါတယ်။ ဒီဗီဒီယိုလေးမှာတော့ ဟိန်းမင်းသူက " ဝလုံးလေး " သီချင်းကို ခံစားချက်အပြည့်နဲ့သီဆိုနေတာကို Sinon က ဘေးကနေငေးကြည့်နေတာပဲ ဖြစ်ပါတယ်။

သီချင်းဆိုပြနေတဲ့ ဟိန်းမင်းသူကိုကြည့်ပြီး အသည်းတယားယားဖြစ်နေတဲ့ Sinon ရဲ့အမူအရာလေးတွေက ချစ်ဖို့ကောင်းသလို ရယ်လည်းရယ်နေရတာ ဖြစ်ပါတယ်။ ဒီဗီဒီယိုလေးကိုတော့ Sinon က " My baby serenade me " ဆိုပြီး သူ့ရဲ့ Facebook Page မှာတင်ထားတာ ဖြစ်ပါတယ်။ ကဲ ချစ်ပရိသတ်တွေအတွက် ဖိလစ်ပိုင် Cat Walk King ဖြစ်တဲ့ Sinon Loresca နဲ့ ဟိန်းမင်းသူရဲ့ဗီဒီယိုဖိုင်လေးကို ပြန်လည်မျှဝေပေးလိုက်ပါတယ်နော်။

Photo & Video Credit- Sinon Loresca's FB & Hein Min Thu's FB