ပထမဆုံးအကြိမ်ရေကူးတာကိုလုံးဝမငိုဘဲ ဘောကွင်းလေးနဲ့ရေထဲမှာဇိမ်ကျနေတဲ့ စန္ဒီမြင့်လွင်ရဲ့ချစ်သမီးလေး

အဆိုတော်၊ သရုပ်ဆောင် မင်းသမီးချောလေး စန္ဒီမြင့်လွင်ကတော့ ချစ်စရာကောင်းတဲ့ သမီးချောလေးတစ်ယောက်ကိုမွေးဖွားပြီး မိသားစုဘဝလေးနဲ့ ပျော်ရွှင်နေတာ ဖြစ်ပါတယ်။ ပါးဖောင်းဖောင်းလေးတွေနဲ့ မြင်သူတိုင်းအသည်းယားချင်စရာကောင်းတဲ့ စန္ဒီမြင့်လွင်ရဲ့သမီးချောလေးကတော့ အခုဆိုရင် ပရိသတ်တွေရဲ့အချစ်တော်ကလေးလေးဖြစ်လို့နေပါပြီ။ မေမေစန္ဒီမြင့်လွင်ကလည်း ချစ်ရတဲ့သမီးလေးကို Treasure ဆိုပြီး နာမည်လှလှလေးပေးထားပါသေးတယ်။

ဒီနေ့မှာတော့ မေမေစန္ဒီမြင့်လွင်က သူမရဲ့လူမှုကွန်ယက်စာမျက်နှာထက်မှာ သမီးလေးရဲ့ပုံအသစ်လေးတွေကို တင်ပေးထားပါတယ်။ " အခုဆိုရင်တော့ဖြင့် လာမယ့် အိုလံပစ်မှာ ယှဉ်ပြိုင်ဖို့ အပြင်းအထန် ကြိုးစားနေတဲ့ ရေကူးချန်ပီယံ တစ်တစ်တုတ်ကို တွေ့မြင်နေရတာပဲ ဖြစ်ပါတယ်ခင်ဗျ။ ချန်ပီယံက အခုမှ ရေထဲ စဆင်းတာဖြစ်ပေမယ့် မငိုပါဘူး။ တော်တော်လေး သတ္တိကောင်းပါတယ်ခင်ဗျ။ ဒီအချက်တွေကြောင့်ပဲ လာမယ့်ပွဲစဉ်တွေမှာလည်း စောင့်ကြည့်ရမယ့်သူ တစ်ဦးဖြစ်နေပါပြီခင်ဗျ။ " ဆိုပြီး ရေကူးနေတဲ့သမီးလေးရဲ့ချစ်စဖွယ်ပုံရိပ်လေးတွေကို တင်လိုက်တာပဲ ဖြစ်ပါတယ်။

ပထမဆုံးအကြိမ်အဖြစ် ရေထဲကိုစဆင်းတဲ့ Treasure လေးကတော့ ရေလုံးဝမကြောက်ဘဲ ရေထဲမှာဘောကွင်းလေးနဲ့ ဇိမ်ယူနေတာ ဖြစ်ပါတယ်။ ရေစိမ်နေတဲ့ စန္ဒီမြင့်လွင်ရဲ့သမီးလေးကတော့ မချစ်ဘဲမနေနိုင်ရလောက်အောင်ကို လုံးလုံးကစ်ကစ်လေးနဲ့ အူယားစရာကောင်းလွန်းနေတာ ဖြစ်ပါတယ်။ ကဲ ချစ်ပရိသတ်တွေအတွက် စန္ဒီမြင့်လွင်သမီးလေးရဲ့ ရေကူးနေတဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo & Video Credit-Sandy Myint Lwin's FB