မျိုးဆက်သစ် ကစားသမားများ စဉ်ဆက်မပြတ် ပေါ်ထွက်ရေးအတွက် ရည်ရွယ်ပြီး ကျင်းပသည့် MFF 100Plus Cup U-14 အမျိုးသား တိုင်းဒေသကြီးနှင့် ပြည်နယ် ဘောလုံးပြိုင်ပွဲ၏ ဗိုလ်လုပွဲစဉ်ကို နိုဝင်ဘာ ၂၈ ရက်က ရန်ကုန်မြို့ သုဝဏ္ဏအားကစား မြက်ခင်းတုကွင်း (၁)၌ ကစားခဲ့ရာ ကရင်ပြည်နယ်အသင်းက မန္တလေးတိုင်းဒေသကြီးအသင်းကို ( ၄ - ၃) ဂိုးဖြင့် အနိုင်ရ ဗိုလ်စွဲသွားခဲ့ပါတယ်။ပွဲချိန်အတွင်းမှာဆိုရင်တော့ နှစ်သင်းစလုံး အနိုင်ရရှိရေး အစွမ်းကုန် ကြိုးစားခဲ့ပြီး ကရင်ပြည်နယ်အသင်းက ၃ ဂိုးပြတ်ဖြင့် ဦးဆောင်ကစားခဲ့ပြီး မန္တလေးအသင်းကတော့ အံ့အားသင့်စရာ ခြေစွမ်းထုတ်ပြခဲ့ပြီး ၃ ဂိုးပြန်သွင်းယူခဲ့သောကြောင့် ( ၃ -၃) ဂိုးသရေကျနေခဲ့ပါတယ်။
ယင်းနောက် နှစ်သင်းစလုံး အပြန်အလှန်ကစားခဲ့ပြီး ပွဲပြီးခါနီးတွင် ကရင်အသင်းက အဖိုးတန် အနိုင်ဂိုး သွင်းယူခဲ့သောကြောင့် ( ၄-၃) ဂိုးဖြင့် အနိုင်ရသွားခြင်းဖြစ်ခဲ့ပါတယ်။ဗိုလ်လုပွဲစဉ်ပြီးနောက် ဆုပေးပွဲ အခမ်းအနားပြုလုပ်ခဲ့ရာ ရှေးဦးစွာ ပြိုင်ပွဲ၏ နောက်ဆုံးပြိုင်ပွဲတွင် တာဝန်ထမ်းဆောင်ခဲ့သော ဒိုင်လူကြီးများအား အမှတ် တရဆု ချီးမြှင့်ခဲ့ပြီးယင်းနောက် ပွဲစဉ်တစ်လျှောက် ဂိုးသွင်းအများဆုံးဆုနှင့် အကောင်းဆုံး ကစားသမားဆုတို့ကို အမှတ်တရဆုနှင့် ဆုကြေးငွေ (၁) သိန်းကျပ် ချီးမြှင့်ခဲ့ပါသေးတယ်။
ထို့နောက် ပူးတွဲ တတိယဆုရရှိသည့် တနင်္သာရီအသင်နှင့်မွန်ပြည်နယ်အသင်းအား တစ်ဦးချင်း ဆုတံဆိပ် အားဆုကြေးငွေကျပ် (၁၀) သိန်းတို့ကို ချီးမြှင့်ခဲ့ပါတယ်။ ဒုတိယဆုရရှိသည့် မန္တလေးအသင်းအား တစ်ဦးချင်း ဆုတံဆိပ်တို့ကို ဆုကြေးငွေ ( ၁၅) သိန်းကို ချီးမြှင့်ခဲ့ပါတယ်။ထို့နောက် ပထမဆုရရှိသည့် ကရင်ပြည်နယ် အသင်းအား တစ်ဦးချင်း ဆုတံဆိပ်ကို ဆုကြေးငွေ ( ၂၅) သိန်းတို့ကို မြန်မာနိုင်ငံဘောလုံးအဖွဲ့ချုပ် ချီးမြှင့်ခဲ့ပါသေးတယ်။ဘောလုံးဝါသနာရှင်တွေအတွက် ယူ - ၁၄ အမျိုးသား ဗိုလ်လုပွဲနှင့် ဆုပေးပွဲအခမ်းအနားပုံရိပ်လေးတွေကို ပရိသတ်တွေအတွက်ပြန်လည်းမျှဝေပေးလိုက်ပါတယ်။
Source - MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။