လက်တွဲဖော်က သင့်နောက်ကွယ်မှာ ဖောက်ပြန်နေတယ်ဆိုရင် ဘယ်လိုအချက်တွေက သိနိုင်မလဲ

ပထမဦးဆုံး သိသားထင်ရှားတဲ့ အချက်ကတော့ သင်နဲ့တွေ့တိုင်း "မျက်လုံးချင်း မဆိုင်ရဲတာပါ"။ မျက်စိက စိတ်ရဲ့ ပြတင်းပေါက်ဆိုတာ တစ်ကယ်မှန်ပါတယ်။ လူတွေက ဘယ်လောက်ပဲ လိမ်ညာလှည့်ဖြားတတ်ပါစေ သူရဲ့ မျက်ဝန်းထဲက အမှန်တရားကိုတော့ မဖုံးကွယ်ထားနိုင်ပါဘူး။ အကယ်၍ ဖုံးကွယ်ထားနိုင်မယ်ဆိုရင်တောင် မရှိသလောက်ရှားပါတယ်။ ဒါကြောင့်သင့်လက်တွဲဖော်မှာ နောက်တစ်ယောက်ရှိ/မရှိ သင်ချင်ရင် မျက်လုံးချင်ဆိုင်ပြီး မေးကြည့်ပါ။ အဖြေပေါ်လာပါလိမ့်မယ်။ မျက်စိနာနေတဲ့အချိန်တော့ သွားမမေးနဲ့ပေါ့နော်။

သင့်လက်တွဲဖော်နဲ့ စကားပြောတဲ့အခါ သူပြောတာတွေကိုလည်း သေချာနားထောင်ကြည့်ပါ။ မဟုတ်တာ လုပ်ထားတဲ့သူက လှို့ဝှက်ထားတာတွေ ပေါ်ကုန်မှာဆိုးလို့ အသံတွေက တုန်တုန်ရီရီ ဖြစ်နေတတ်တာမျိုး၊ စကားတွေက ရှေ့နောက်မညီဘဲ ကဘောက်ထိ ကဘောက်ချာဖြစ်နေတတ်ပါတယ်။ ဘယ်လောက်ပဲ ဟန်ဆောင်ကောင်းတယ်ပြောပြော ကိုယ်၊ နှုတ် အမူအရာ၊ အပြောအဆိုတွေကို သတိထားကြည့်မယ်ဆိုရင် လိမ်/မလိမ်၊ ညာ/မညာ သိနိုင်ပါတယ်။

နောက်အသိသာဆုံးအချက်ကတော့ သူတို့ဖုန်းကို လိုတာထက်ပိုပြီး အထိမခံ ရွှေပန်းကန် ဖြစ်နေတတ်ကြပါတယ်။ ဖုန်းထက် သူတို့ဖုန်းထဲက ဒေတာအချက်လက်တွေကို ယူစစ်မှာ၊ ယူကြည့်မှာ အမြဲကြောက်ရွံ့နေတတ်ကြပါတယ်။ ခဏလောက်ဖြစ်ဖြစ် ယူကြည့်တာမျိုးကိုတောင် ပုံပျက်၊ ပန်းပျက်ဖြစ်နေတယ်ဆိုရင် သင့်လက်တွဲဖော်ကို သတိထားစောင့်ကြည့်ဖို့ လိုအပ်ပါလိမ့်မယ်။ ဒါဟာ ဘာကိုဖော်ပြနေသလဲဆိုတာကတော့ သင့်နောက်ကွယ်မှာ မဟုတ်တာတစ်ခုခုကို လှို့ဝှက်ထားတယ် ဆိုတဲ့သဘောပါပဲ။

photo credit pngtree