ခွဲစိတ်မှုတွေလုပ်ထားပေမယ့် သဘာဝအတိုင်းလှတဲ့ မိန်းကလေးတွေမြင်ရင် အရမ်းအားကျဆိုတဲ့ နေခြည်ဦး

ပရိသတ်ကြီးရေ.. ချီချီလို့ အားလုံးက ချစ်စနိုးခေါ်ကြတဲ့ ပရိသတ်တွေရဲ့ အသည်းကျော် မင်းသမီးချောလေး နေခြည်ဦးကတော့ မြန်မာနိုင်ငံရဲ့ နာမည်ကျော် Beauty Blogger တစ်ဦးဖြစ်သလို ပရိသတ်တွေအခိုင်အမာနဲ့ အောင်မြင်နေတဲ့ ပြည်သူ့အသည်းကျော်လေးပါပဲ..။

မြန်မာနိုင်ငံရဲ့ ဒိတ်ဒိတ်ကြဲ အနုပညာရှင်တွေထဲက တစ်ဦးဖြစ်တဲ့ ချီချီလေးကတော့ အမြဲလန်းဆန်းတက်ကြွမှုလေးတွေနဲ့ ကိုယ့်ကိုကိုယ် ယုံကြည်မှုအမြဲရှိပြီး ပွင့်လင်းတဲ့စကားပြောဟန်လေးတွေနဲ့ ချစ်စဖွယ်အမူအရာလေးတွေကြောင့်လည်း ပရိသတ်တွေက အမြဲအချစ်ပိုနေကြတာပါ..။

ပရိသတ်တွေရဲ့ အသည်းကျော်လေး ချီချီဟာ စကားပြောပွင့်လင်းသူလေးပီပီ သူမအနေနဲ့ ခွဲစိတ်ပြုပြင်မှုတွေ ပြုလုပ်ခဲ့တဲ့အကြောင်းလေးအပြင် ခွဲစိတ်မှုနဲ့ အလှအပအေ့း သူမရဲ့အမြင်လေးတွေကို ပြောပြလာပါတယ်နော်..။

ချီချီလေးကတော့ ခွဲစိတ်မှုတွေလုပ်ထားပေမယ့် သဘာဝအတိုင်းလှနေတဲ့ မိန်းကလေးတွေကိုတွေ့ရင် အရမ်းအားကျတဲ့အကြောင်းလေးနဲ့ သူမကတော့ ခွဲစိတ်ရတာကို ဝါသနာပါတဲ့အတွက် ခွဲစိတ်မှုက သူမနဲ့ တိုက်ရိုက်အချိုးကျတယ်ဆိုပြီး ပြောပြထားတာ ဖြစ်ပါတယ်..။

“နေခြည်ကသာလုပ်ထားတာ သဘာဝအတိုင်းလှနေတဲ့ မိန်းကလေးတွေမြင်ရင် အရမ်းအားကျတယ် ကိုယ်က သဘာဝအတိုင်းမလှလို့သာ လုပ်ထားတာပေါ့နော် နေခြည်သာ ကိုယ့်ကိုကိုယ် သဘာဝအတိုင်းလှတယ်လို့ ခံစားရရင် နေခြည်ခွဲစိတ်မှုတွေ လုပ်ဖြစ်မှာ မဟုတ်ပါဘူး ခွဲစိတ်မှုနဲ့အလှအပက ကောင်းတဲ့ အချက်ရှိသလို မကောင်းတဲ့အချက်တွေလည်း ရှိတယ် နေခြည်ကတော့ ခွဲစိတ်တာကို ဝါသနာပါတဲ့အတွက် နေခြည်အနေနဲ့ကတော့ တိုက်ရိုက်အချိုးကျတယ် နေခြည်ပြုပြင်ပြောင်းလဲလိုက်လို့ ပိုပြီးလှလာတယ်လို့လည်း ထင်တယ် ပိုပြီးကြည့်လို့ကောင်းတယ်လို့လည်း ထင်တယ်..” ဆိုပြီးတော့ ချီချီလေးက ပြောပြထားတာပါ..။

ဒီကနေ့လေးမှာတော့ ချစ်စရာကောင်းပြီး စကားပြော ပွင့်လင်းတဲ့ ဟန်ပန်လေးတွေနဲ့ ပရိသတ်အသည်းတွေခြွေယူထားတဲ့ ချီချီလေးရဲ့ ဗီဒီယိုဖိုင်လေးကိုလည်း အားလုံးအတွက် မျှဝေတင်ဆက်ပေးလိုက်ပါတယ်နော်..။

Photo By Myanmarload