မိဘတွေဂုဏ်ယူရတဲ့သားတစ်ယောက်အဖြစ် ချစ်မေမေရဲ့လက်ကိုတွဲပြီးပွဲတက်လာခဲ့တဲ့ မင်းသန့်မောင်မောင်

ဒါရိုက်တာမင်းသန့်မောင်မောင်ကတော့ နာမည်ကြီးဒါရိုက်တာ စင်ရော်မောင်မောင်နဲ့ သရုပ်ဆောင် မင်းသမီးချော မေသန်းနုတို့ရဲ့သားလေးပဲ ဖြစ်ပါတယ်။ နိုင်ငံခြားမှာသွားရောက်ပြီး ပညာသင်ကြားခဲ့တဲ့ မင်းသန့်မောင်မောင်က တကယ့်ကိုထူးချွန်ထက်မြက်တဲ့ လူငယ်လေးတစ်ယောက်လည်း ဖြစ်ပါတယ်။ အခုဆိုရင် မင်းသန့်မောင်မောင်က မြန်မာနိုင်ငံကိုပြန်လာပြီး ဒါရိုက်တာအဖြစ် ဇာတ်ကားတွေစတင်ရိုက်ကူးနေပြီ ဖြစ်ပါတယ်။

မကြာမီမှာလည်း မင်းသန့်မောင်မောင်နဲ့ ဖခင်စင်ရော်မောင်မောင်တို့တွဲဖက်ရိုက်ကူးထားတဲ့ " တိမ်တွေပေါ်ကပန်း " ရုပ်ရှင်ဇာတ်ကားကြီးက ရုံတင်ပြသတော့မှာပဲ ဖြစ်ပါတယ်။ ဒီဇာတ်ကားကြီးရဲ့Red Carpet Show ပွဲကိုတော့ မနေ့ကကျင်းပပြုလုပ်ခဲ့ပြီး စင်ရော်မောင်မောင်၊မင်းသန့်မောင်မောင်၊မေသန်းနုနဲ့ အခြားအနုပညာရှင်တွေလည်း တက်ရောက်ခဲ့တာ ဖြစ်ပါတယ်။ မင်းသန့်မောင်မောင်က ချစ်ရတဲ့မေမေနဲ့အတူတွဲပြီး ပွဲတက်လာခဲ့တာပဲ ဖြစ်ပါတယ်  

မိဘတွေဂုဏ်ယူရတဲ့ သားလေးတစ်ယောက်အဖြစ်ရပ်တည်နေပြီဖြစ်တဲ့ မင်းသန့်မောင်မောင်အတွက် မိခင်ဖြစ်တဲ့မေသန်းနုကလည်း ဝမ်းသာနေရတာဖြစ်ပါတယ်။ မေသန်းနုက သားလေးမင်းသန့်မောင်မောင်ရဲ့လက်ကိုတွဲပြီး ပီတိဖြစ်နေတာလေးကလည်း ကြည်နူးဖို့ကောင်းနေတာဖြစ်ပါတယ်။ ကဲ ချစ်ပရိသတ်တွေအတွက် " တိမ်တွေပေါ်ကပန်း " ရုပ်ရှင်ဇာတ်ကားရဲ့ Red Carpet Show ပွဲကိုတက်ရောက်လာတဲ့ မေသန်းနုတို့သားအမိရဲ့ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo Credit- Min Thant Mg Mg's FB & May Than Nu-Ma Sint's FB