နော်ဝေးနိုင်ငံတွင် ကျင်းပမည့်TYF ၂၀၁၇ အတွက် လျှောက်ထားနိုင်

မြန်မာနိုင်ငံမှ အသက် ၂၀ -၂၈နှစ်အတွင်းရှိလူငယ်များသည် နော်ဝေနိုင်ငံ၊ အော်စလိုမြို့တွင် ၂၀၁၇ ခုနှစ်၊ ဒီဇင်ဘာလ ၈ ရက်မှ ၁၀ ရက်အထိကျင်းပပြုလုပ်မည့် TYF2017 အတွက် လျှောက်ထားနိုင်မည်ဖြစ်သည်။ အဆိုပါ TYF အစီအစဉ်သည် တစ်နှစ်ကြာမြင့်မည် ဖြစ်ပြီး ၂၀၁၈ ခုနှစ်၊ မေလတွင် ဘန်ကောက်မြို့၌ ဒုတိယအကြိမ် တွေ့ဆုံရမည့် အစီအစဉ်လည်းပါဝင်မည် ဖြစ်ပါသည်။ 

TYF လူငယ် ကိုယ်စားလှယ် လျှောက်ထားရန် လိုအပ်ချက်များ

• ၂၀၁၇ ခုနှစ်တွင် အသက် ၂၀ မှ ၂၈ နှစ်အတွင်းရှိရမည်။

• အင်္ဂလိပ်စာ ကျွမ်းကျင်စွာတတ်ကျွမ်းရမည်။

• မြန်မာနိုင်ငံသား ဖြစ်ရမည်။

• မိမိနေထိုင်ရာလူမှုအဖွဲ့အစည်းအတွင်းလူမှုရေး၊ စီးပွားရေး နှင့်/သို့မဟုတ် ပတ်ဝန်းကျင်အတွက် ပြောင်းလဲမှု များ ပြုလုပ်ရန်လိုလားသူ ဖြစ်ရမည်။ (ခိုင်လုံသောအတွေ့အကြုံရှိသူ ဖြစ်ရမည်။)

• တက္ကသိုလ်တက်ရောက်ဆဲသို့မဟုတ် အဆင့်မြင့်ပညာရေး ပြီးဆုံးအောင်မြင်ပြီးသူ ဖြစ်ရမည်။

• ကြီးမားသည့် အကြံဉာဏ်ရှိသူဖြစ်ပြီးပြောင်းလဲမှုများလုပ်ဆောင်ရန် ဆန္ဒရှိသူဖြစ်ရမည်။

ရွေးချယ်ခံရသောလူငယ်များအနေနှင့် အဆိုပါ TYF အစီအစဉ်တစ်လျှောက်လုံးတွင် ၎င်းတို့ အတွက် သတ်မှတ်ထားသောအဖွဲ့တွင် ပါဝင်သည့် အခြားရွေးချယ်ခံရသူများနှင့်အတူ ပျှမ်းမျှ သီတင်းတစ်ပတ်လျှင် ၂ နာရီဝန်းကျင်ခန့် အွန်လိုင်းမှတစ်ဆင့် စုပေါင်းအလုပ်လုပ်ကိုင်ရမည် ဖြစ်ပါသည်။ အရေးကြီးသည့် လူမှုရေးဆိုင်ရာစိန်ခေါ်မှုများအားဖြေရှင်းနိုင်မည့် ဒစ်ဂျစ်တယ် ဖြေရှင်းချက်များအားအဖွဲ့လိုက် ပူးပေါင်းအဖြေရှာဖော်ထုတ်ရန် ဒီဇင်ဘာ လ အစီအစဉ် တက်ရောက် ချိန်တွင် အဖွဲ့လိုက် ခေါင်းစဉ်များသတ်မှတ်ပေးထားမည် ဖြစ်ပါသည်။

Source: Telenor Myanmar

Aung