ဆီမီးဖိုင်နယ် ပွဲစဉ်မှာ ထိုင်းအသင်းကိုရှုံးနိမ့်ခဲ့ရတဲ့ မြန်မာလက်ရွေးစင် အမျိုးသမီးအသင်း

အကြိမ် (၃၀)မြောက် အရှေ့တောင်အာရှ အားကစားပြိုင်ပွဲ အမျိုးသမီးဘောလုံး ဆီမီးဖိုင်နယ် ပွဲစဉ်အဖြစ် ဒီဇင်ဘာ (၅)ရက် ည ၆နာရီ ၃၀မိနစ် က မြန်မာ့လက်ရွေးစင် အမျိုးသမီးအသင်းနှင့် ထိုင်းအမျိုးသမီးအသင်းတို့ ဖိလစ်ပိုင်နိုင်ငံ မနီလာမြို့ရှိ Rizal Memorial ကွင်းတွင် ယှဉ်ပြိုင်ကစားရာမှာတော့ ထိုင်းအသင်းက (၁-ဝ) ဂိုးဖြင့် မြန်မာအသင်းကို အနိုင်ရရှိခဲ့ပါတယ်။ မြန်မာအမျိုးသမီးအနေနဲ့လည်း အကောင်းဆုံးကြိုးစားခဲ့ပေမဲ့ ထိုင်းလက်ရွေးစင်အမျိုးသမီးအသင်းရဲ့ အဝေးကန်ချက်ကနေအနိုင်ဂိုးကိုခွင့်ပြုခဲ့ရတာလည်းဖြစ်ပါတယ်။

ပွဲကစားချိန်ပြီးမှာတော့ သတင်းစာရှင်လင်းပွဲတွင် "ဒီနေ့ပွဲမှာ အကောင်းဆုံးကြိုးစားခဲ့ပြီး ခံစစ်နဲ့ တိုက်စစ်မျှတအောင် ကစားနိုင်ခဲ့ပါတယ်။ ဒါပေမဲ့ အဝေးကန်ချက်ကနေ ဂိုးခွင့်ပြုခဲ့ရပါတယ်။ တိုက်စစ်မှာလည်းအခွင့်အရေးတွေ ဖန်တီးနိုင်ခဲ့ပေမယ့် ဂိုးအဖြစ်ပြောင်းလဲနိုင်ခြင်းမရှိခဲ့ပါဘူး။ မြန်မာ့ ဘောလုံးပရိသတ်တွေ အတွက် အနိုင်ရလဒ်နဲ့ ဗိုလ်လုပွဲကို မရောက်နိုင်ခဲ့လို့ စိတ်မကောင်းပါဘူး" ဟု နည်းပြချုပ် ဦးဝင်းသူမိုး က ပြောကြားခဲ့ပါသေးတယ်။

မြန်မာလက်ရွေးစင်အမျိုးသမီးအသင်းကတော့ တတိယလုပွဲအဖြစ် အိမ်ရှင်ဖိလစ်ပိုင်အသင်း နှင့် ဒီဇင်ဘာ ၈ရက် မြန်မာစံတော်ချိန် ၂နာရီ ၃၀မိနစ်၊ ဖိလစ်ပိုင်နိုင်ငံ၊ မနီလာမြို့ရှိ Rizal Memorial ကွင်းတွင် ယှဉ်ပြိုင်ကစားရမည်ဖြစ်ပါတယ်။ မြန်မာလက်ရွေးစင်အမျိူးသမီး အသင်းကတော့ တတိယ လုပွဲမှာ အိမ်ရှင်ဖိလစ်ပိုင်လက်ရွေးစင်အသင်းကိုအကောင်းဆုံးယှဉ်ပြိုင်ကစားပြီး ပရိသတ်တွေရဲ့ထပ်တူကျစေမည့် ရလဒ်ကောင်းတွေရရှိစေမှာလည်းဖြစ်ပါတယ်။မြန်မာဘောလုံးချစ်ပရိသတ်တွေကလည်း လက်ရွေးစင်အမျိုးသမီးအသင်းကိုဆုမွန်ကောင်းတောင်းပေးလိုက်ပါအုန်းနော်..။

Source - Myanmar Football Federation