မွေးနေ့ကုသိုလ်အဖြစ် မြန်မာဆန်ဆန်လေးနဲ့ဘုရားပေါ်တက်ပြီး ဆီမီး၁၀၀၀ပူဇော်ခဲ့တဲ့ သင်ဇာဝင့်ကျော်

ပရိသတ်ကြီးရေ မင်းသမီးချောလေးသင်ဇာဝင့်ကျော်ဟာဆိုရင် အနုပညာအလုပ်တွေကို ဇောက်ချလုပ်ကိုင်နေပြီး ပရိသတ်တွေရဲ့ချစ်ခြင်းမေတ္တာတွေနဲ့ရပ်တည်နေတာဖြစ်ပါတယ်နော်။သင်ဇာက လက်ရှိမှာဆိုရင် ပရိသတ်တွေရဲ့စိတ်ဝင်စားမှုအများဆုံးကို ရရှိထားတဲ့အပြင် သူမရဲ့အနုပညာလှုပ်ရှားမှုတိုင်းဟာလည်း အမြဲတမ်းဆန်းသစ်နေပြီး ပရိသတ်တွေကိုအမြဲတမ်းအံ့သြအောင်လုပ်နိုင်စွမ်းရှိပါတယ်။

သင်ဇာဝင့်ကျော်က ဒီဇင်ဘာ(၄)ရက်နေ့လေးမှာဆိုရင် အသက်(၃၂)ပြည့်သွားပြီဖြစ်လို့ ချစ်ခင်သူတွေနဲ့ ပရိသတ်တွေက သူမအတွက် မွေးနေ့ဆုမွန်ကောင်းတောင်းပေးထားကြပါတယ်နော်။သင်ဇာကလည်း သူမရဲ့မွေးနေ့လေးကို အောင်ဇမ္ဗူကျောင်းမှာ အာရုံဆွမ်းကပ်လှူကာ ကုသိုလ်တွေနဲ့စတင်ခဲ့ပြီး ချစ်ရတဲ့သူတွေနဲ့အတူတူ အေးချမ်းစွာဖြတ်သန်းခဲ့တာဖြစ်ပါတယ်။

မွေးနေ့ညပိုင်းမှာလည်း ချစ်သော Zara လေးများ မိတ်ဆွေများနဲ့အတူ ရွှေတိဂုံဘုရားပေါ်မှာ ဆီမီး၁၀၀၀ပူဇော်ခဲ့ကြတာဖြစ်ပါတယ်။သင်ဇာလေးကလည်း အဝါရောင်မြန်မာဝတ်စုံလေးနဲ့အရမ်းပဲလှပြီး ကျက်သရေရှိနေပါတယ်နော်။အသက်(၃၂)နှစ်ပြည့် မွေးနေ့လေးမှာ ချစ်သူခင်သူတွေနဲ့အတူတူ ပျော်ပျော်ရွှင်ရွှင်ဖြတ်သန်းခဲ့ပြီး ရိုးရှင်းတဲ့အလှပုံရိပ်လေးတွေကို ချစ်ပရိသတ်ကြီးအတွက် ပြန်လည်မျှဝေပေးလိုက်ပါရစေနော်။

Photo Credit:Amazing Grace

Source:Thinzar Wint Kyaw's Facebook