အမျိုးသားဒိုင်လူကြီး သင်တန်းဆင်းပိတ်ပွဲအခမ်းအနားကို သုဝဏ္ဏဘောလုံးကွင်းအစည်းဝေးခန်းမတွင် ကျင်းပ

၂၀၂၀ ဘောလုံးရာသီတွင် အမျိုးသားဒိုင်လူကြီးများ၏ အရည်အသွေးပိုမိုတိုးတက်စေရေးအတွက် မြန်မာနိုင်ငံ ဘောလုံးအဖွဲ့ချုပ် ဒိုင်ကော်မတီ ဒိုင်လုပ်ငန်းဌာနမှ ဒီဇင်ဘာလ(၂)ရက်နေ့မှ (၆)ရက်နေ့အထိ ဖွင့်လှစ်ခဲ့သည့် Top Men Referees & Assistant Referees Workshop For 2020 Football Season (Pre-Season)ပိတ်ပွဲအခမ်းအနားကို ဒီဇင်ဘာ ၆ရက် နေ့လယ် ၁နာရီက သုဝဏ္ဏဘောလုံးကွင်း အစည်းဝေးခန်းမတွင် ကျင်းပခဲ့ပါတယ်။

အဆိုပါ အခမ်းအနားကို မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ အကြံပေး ဦးဘန်နီတင်အောင်၊ ဒိုင်ကော်မတီဥက္ကဋ္ဌ ဦးဝင်းချို၊ ဒိုင်လုပ်ငန်းဌာန ဒါရိုက်တာဦးထွန်းလှအောင်နှင့် တာဝန်ရှိ ပုဂ္ဂိုလ်များတက်ရောက်ခဲ့ကြပြီး မြန်မာနိုင်ငံဘောလုံးအဖွဲ့ချုပ် ဥက္ကဋ္ဌအကြံပေး ဦးဘန်နီတင်အောင်နှင့် ဒိုင်ကော်မတီ ဥက္ကဋ္ဌ ဦးဝင်းချိုတို့က အမှာစကားပြောကြားခဲ့ပါသေးတယ်။

သင်တန်းဆရာ ဦးလှမင်းနှင့် သင်တန်းသားတစ်ဦးတို့က သင်တန်းဖွင့်လှစ်ရခြင်း ကောင်းကျိုးများအကြောင်း ‌ပြောကြားခဲ့ပြီး အမှတ်တရ စုပေါင်းဓာတ်ပုံရိုက်ကူးကာအခမ်းအနားကို ပိတ်သိမ်းခဲ့ပါတယ်။၂၀၂၀ ဘောလုံးရာသီမှာစွမ်းရည်ပြည့်ဝတဲ့ အမျိုးသားဒိုင်လူကြီးများ ပေါ်ထွက်လာအောင် ယခုလိုအခမ်းအနားတွေကိုလုပ်ဆောင်ပေးတာကလည်း ကောင်းမွန်တဲ့ရည်ရွယ်ချက်ပဲဖြစ်ပါတယ်။ 

Source - Myanmar Football Federation